ThinkPad X1 Carbon/ X1 Yoga

非常要求

今次出文同聽音樂其實係無咩直接關係，可以算得上係一項重要投資，決定用Blog文記錄作為分享及自己日後回味。話說準備入手一部新手提電腦支援未來既一段長時間生活需要。首先，由於個人興趣廣泛文武雙全，新電腦既要符合現代辦公應用，亦要顧及一定多媒體既影音處理能力。其次，係穩定性及耐用性方面，對新電腦亦有非常要求，唔想用兩三年就報廢，或者兩三年之後又要升級，期望新電腦可以有10年或以上可用壽命週期。

名牌效應

好明顯，第一個要求係基本性能，容易達成。至於第二個要求，穩定耐用，的確要花時間選擇，而且要付出額外保固設計方面既代價。最終選擇Lenovo ThinkPad絕對唔係偶然，基本上就係當今第一大品牌，佢既歷史同故事就唔花編幅講啦，總之就係基於品牌效應，個人一貫既使用體驗及印象既選擇。

實際型號既取捨，策略係唔好用預算作為先決限制，反而專注了解產品設計及性能後，再係配置及價格上取得最好平衡。衆多產品中，性能平衡設計穩固耐用既ThinkPad X及ThinkPad X1系列係考慮範圍，前者係旗艦，後者就係旗艦中既旗艦。

眾裏尋她

候選型號有ThinkPad X13 Gen 3，ThinkPad X13 Yoga Gen 3，ThinkPad X1 Carbon Gen 10，ThinkPad X1 Yoga Gen 7及ThinkPad X1 Nano Gen 2。執筆時，ThinkPad X13 Yoga Gen 3還未上架，其他型號亦開售不久，部分可供選配項目都未在列。配套最齊全既，就係Carbon，可見官方對佢既優先推銷策略及市場位置。不過WWAN方面，5G仍然欠奉，如果急用只能選4G Cat 16模組。

考慮到最優既可攜性，傾向13吋屏幕既X13及X13 Yoga，後者屏幕及鍵盤連接夾角可以360度調節，傳統及平版兩者兼得二合一設計。不過，好快就打消咗選擇X13既念頭，主要原因係13吋屏幕作為純粹流動應用，例如電郵網頁流覽及基本文書，的確係方便，考慮到同時需要多工場境及編輯多媒體影音文件，就顯得拘緊不足。

至於ThinkPad X1 Nano Gen 2，雖然同樣係13吋屏幕，卻係輕薄之最，可以稱得上最貼身流動辦公伴侶，讓人心動。不過最後亦係放棄咗Nano，其中一個原因係，Carbon同樣不失輕便，而且有更多配套選擇。例如，處理器設定為1260時，Carbon便可以選擇32GB記憶體，Nano方面只可以當頂配處理器1280時，才能滿配32GB記憶體，很專橫的官方預設組合！

Nano既致命處，SSD係用咗2242而非市場流通2280模組，對希望作自行系統備份及SSD升級用家非常不利。另外，Nano既輕簿又只配上單風扇降溫，即使有頂配處理器，可能未能發揮最高性能，會不會是個浪費？對係高負載下既有效輸出，抱有懷疑。

十年一劍

最終選擇ThinkPad X1 Carbon Gen 10，決定性因素唔單純係佢既平衡性能及保固耐用設計，仲有佢十代既承傳基因，市場接受程度及銷售流通量！如果期望電腦可以用上10年或以上，係5年官方提供保固服務及型號最終停產後(推出後大約6年，2028年10月1日後官方停止技援)，可以靠係二手市場獲得可替換既同期生產舊部件延續壽命週期，非常環保。

下文會分享系統配套，入手策略，開箱及使用體驗。先研究下面兩個表，係執筆時官網提供既ThinkPad X1 Carbon Gen 10及上一代ThinkPad X1 Carbon Gen 9套裝型號，待續 ......

ThinkPad X1 Carbon Gen 10

ThinkPad X1 Carbon Gen 9