Woo Audio 3ES 感想

Woo Audio繼力推WA33之後，短短事隔一年，又出新旗艦級3ES，不過今次輸出既係可以電死人500V以上既高壓! 3ES係專推靜電耳機，仲有埋前置放大部份。

官方既説法係3ES承繼咗WA33既獨特優良設計，特別係內部電源連線架構Internal Coupling Architecture(lCA)，同樣有提供類似WA33既3ES Elite豪裝版本。就咁睇外形，3ES同WA33十足係一對孖生兄弟，一時間小弟都好易認錯機! 值得注意既係，WA33係全平衡設計，係2018年6月接受預定期間，小弟未揾到3ES相關既術性指標。

3ES最吸引小弟眼球既部份係咩? 有睇開小弟吹水文既C兄就知，當然係3ES上面果4大大枝既300B功率膽管! 係小弟玩Head-Fi系统既終極要求! 相對於WA234及WA5既傳統單端甲類(Single-end，Class-A)應用，3ES用上咗4支300B推靜電耳機，的確係比較特别，亦係好另人有期待既效果!

WA234或WA5通過喇叭輸出，由WEE轉換推靜電耳機係可行，小弟入手WEE，就係想係自己既WA5咁樣玩! 理性既推想，雖然WA234及WA5都係高端産品，配上WEE推靜電耳機，輸出淨質量效果一定係不及3ES! 對於300B及靜電耳機效果有獨特取向要求既用家，3ES不失係一次過同時滿足兩項要求，有針對性既富貴産品!

小弟個人對呢個設計既效果，同樣好有興趣及期待! 3ES官方索價同WA33及WA5係同一個檔次，係WA234，WA33 Elite及3ES Elite之下，如果有無限彈藥，小弟必定入手! 事實上，小弟可以傾盡財力入3ES，再入埋隻STAX SR-009。

配合埋小弟私藏咗兩組配對NOS級西電WE300B功率膽，WE274B整流膽及6NS7訊號膽亦大把存貨，絶對可以砌個The Best of the best後級組合，一時無量，究極體驗! 可惜，現實係無奈既，理性話比小弟知，不惜代價，呈一時之快既決定，多數係錯既!

老問題又係小弟心頭湧現，如果只能愛一機，小弟會如何再選擇?! 會唔會棄舊愛WA5轉投3ES懷抱?! 對小弟有了解，聰明既C兄一定估到答案! (提示: 3ES既特色同時亦係佢既弱項，輸出只能配靜電耳機，謝絕非我族類! 小弟都係安份玩番WA5 + WEE + STAX SR-507一段時間先再講啦!)


相關文章

Woo Audio WA33 感想
Woo Audio WEE 第一章: 厲害了! 我的組合!

Woo Audio WEE 第三章: 安心到貨

上文Woo Audio WEE 第二章: 正式入手! 落單後接近2個月，今日2018年5月12日收到Woo Audo WEE。

嚴謹安穩包裝及高質產品，一如以往，係小弟對Woo既評價。開箱後，手上既WEE就好似一件實心鐵，係Woo獨有既果種豪邁質感!

今次再收埋一條WA5既原廠DC電源線及四個獨立接頭，用來DIY電源線比部WA5，作進一步調音之用。外接DC電源線係WA5及WA6 SE獨有，小弟認為係玩嘢優性設計。

今次開箱主要係一個簡單點收，唔會試音住。小弟準備搬入私Lab之後先會開始玩WA5 + WEE + STAX SR-507。

有説官方快停産WEE，可能係最後一水，不過小弟又係官網繼續睇到WEE，似乎短期內WEE仍然接受Special Order唔會下架住。唔理真假，今日收到貨，就係安心啦! 小弟真係"非常需要"WEE，如果入唔到佢，係一個必然遺憾! 咁講係因為WEE + STAX SR-507將係小弟玩"一體臨場 精妙探索"扮演"非常重要"角飾!

待續 ......


相關文章

Woo Audio WEE 第一章: 厲害了! 我的組合!
Woo Audio WEE 第二章: 正式入手!
Woo Audio WEE 第三章: 安心到貨

STAX 系統 第七章: 開箱與品聽小結

STAX系統配合DAC及線材連接組合既分享暫時要告一段落。總算來到結局篇，寫埋呢個小結，小弟就完成STAX系統既開箱品聽，小弟其實都估唔到自己有咁多口水可以噴井而出，整個過程係難得經驗，小弟自己亦受益非淺。見到呢個私帖期間反應平穩，並無一擁窩蜂急流，睇來STAX系統仍然未普及化，但亦證明有穩定興趣者。

無容置疑既係，STAX系統的確係提供咗非凡音質效果，係品聽期間，小弟確定咗佢既線性效果(预期之內)，發現佢强大可擴展能力(驚喜發現)。如果以整個STAX系統作為一個單元來睇，線性加上可擴展力，就係非常既適配性! 雖然STAX系統相對封閉，基於佢既特性，小弟絶對會用STAX系統去監賞品聽各種前端及音源系統異同效果。

最後想指出，以而家小弟所得效果，呢套STAX SRM-007tII + SR-507唔只係物有所值，其實係有極優性價比，咁當然，大前題係，要配上一個好似小弟咁堅料既玩家! 故事未完，仲有排玩 ......


相關文章:

STAX 系統 第一章: 我是誰?!
STAX 系統 第二章: 初嘗驚喜!
STAX 系統 第三章: 非平衡更譲人驚嘆!
STAX 系統 第四章: 理想預期 vs 耳聽為實
STAX 系統 第五章: 鬆容奔放 vs 精密控制
STAX 系統 第六章: 華麗殿堂 天工藝術
STAX 系統 第七章: 開箱與品聽小結

玩膽之樂 STAX 系統 Tube Rolling
STAX SRM-007tII 靜電耳機放大器拆解圖集
STAX SR-407 頭戴式靜電耳機拆解 圖集
STAX SR-009 頭戴式靜電耳機 圖集
STAX 公司簡介 漫步者收購

STAX 系統 第六章: 華麗殿堂 天工藝術

清甘甜 細膩悠

承接上一章氣勢，小弟d口水有如滔滔長江，一發不可收拾，繼續展述Hugo個性，嘗試比出較詳盡既品聽歷程。

係STAX系統既線性及可擴展能力下，首先吸引小弟既係充份體驗到Hugo非常强勁既力量感，除咗質感仲有重量感，事實上Hugo既動態及音形線條相對要比Young DSD既效果突出好多，立體玲瓏，高低得宜，進退有度，準繩感表現極盡控制之能事，係小弟聽過最富韻律感既效果。

另一方面，Hugo擁有小弟品聽過既最强密度感，密而生甜，係一種"清甘甜"，再配上STAX系統既"斯文淡定"，就産生咗一種"細膩悠"(相對小弟試聽過一d當今主流高端系統，就有不太自然既"糖精甜"及造作既"驕媚騷")。係場感方面，雖然闊廣度未如Young DSD組合，但多層次同步響應效果要更勝一籌，而且富深度感及連貫伸延性，配上"清甘甜"及"細膩悠"質感，效果獨特，極具感染力。

小弟又做下效果對比，上述一切既描述係配合Zendo線連接既效果，相比之下，銅線效果就出現咗預期既"散漫"感，雖然仍有"細悠"，但已缺乏"甘甜"，並非因為技術性方面密度不足，而係演譯風格異同，場感被壓平，失去深度連貫多層次感，動態及韻律感亦相對失色，只能算係一個"舒服"效果。

來到呢度，相信C兄已經可以體會到Hugo既"經典韻律 精密控制"，不過呢個只係一個"享受"級别效果，進一步深度體驗，去到"境界"層次又係咩一回事呢?! 


華麗殿堂 天工藝術

係"精密控制"下，Hugo表現得一絲不苟，精確無誤，加上強大密度感，凝造獨特感染力，"經典韻律"，小弟會以Hugo呢種效果作為當前Head-Fi主流風格基準。

當Hugo呢種"精密控制"達到極緻效果，就好似巧匠天工，本身就已經昇華到美感既層次，成為一種藝術，"精密控制"演化為"天工藝術"，凝造出來就係一種令人讃嘆既華麗，建構出懾人心神既"華麗殿堂"場感。如果Young DSD係熱情奔放姑娘，與小弟浪漫鬆容翩翩起舞，咁Hugo就係端莊賢秀，係殿堂為小弟施展華麗舞曲。C兄是否可以意會到小弟描述既"臨場"感動?! 

值得注意既係，兩種感動效果不盡相同，前者有"一體"效果，小弟參與其中，與浪漫姑娘鬆容共舞; 相對後者，雖然深受感動，但小弟仍然係一個欣賞者個體，並未參與其中。Young DSD組合比出既就係"一體臨場"境界，嚴格來講，Hugo組合效果係一個係"享受"與"感動"之間既"臨界"狀態。

一連六章，小弟用咗咁大篇幅描述，就係想將品聽歷程比較有系統化，配以參考實例記錄下來。係呢次品聽中既結論，並不代表Young DSD與Hugo優劣之分，只係表示係小弟當前STAX系統及其他配置下所得綜合效果。畢竟小弟仍然未為STAX系統换保險膽及6CG7輸出膽管，亦未完成升級超級電池補完。當Young DSD及Hugo配上WA22，變化就更大，又完全係另一個故事，下一章STAX 系統 第七章: 開箱與品聽小結。


相關文章:

STAX 系統 第一章: 我是誰?!
STAX 系統 第二章: 初嘗驚喜!
STAX 系統 第三章: 非平衡更譲人驚嘆!
STAX 系統 第四章: 理想預期 vs 耳聽為實
STAX 系統 第五章: 鬆容奔放 vs 精密控制
STAX 系統 第六章: 華麗殿堂 天工藝術
STAX 系統 第七章: 開箱與品聽小結

STAX 系統 第五章: 鬆容奔放 vs 精密控制

浪漫感性 鬆容奔放

警告! 小弟要上堅料，高潮將一浪接一浪，C兄準備好點都要撑到尾，唔好嘔血住! 

話説係上一章，以純銅線連接Young DSD及STAX系統既效果小弟原先並唔睇好，印象中銅質訊號線係會使整體效果更"鬆"，係"鬆容斯文"預期下，再鬆多一浸，就可能變成"散"同"hel"，失去主體焦點而變得過淡而無味。不過事情既實際發展又係另一回事，接埋之後，"耳聽為實"既結果係出現一個感動效果，而且竟然有小弟熟悉係WA22上經常體驗到既"鮮活大氣"膽味! 

最使小弟驚喜既係，純銅線連接效果，其實係將Young DSD既"鬆容"擴大，空間無邊際而無空洞散漫感(HD800?!)，另一方面，又顯現出極優分析力及豐富同步多層次感，音色華麗(ED5-U?!)，整體效果既豐且滿，更富彈性(LCD-3?!)，配上協調一氣連成流暢包圍感，奔放自如韻律感(T1?!)，實在一聽難忘! 

當小弟陶醉係感動境界時(STAX? WA22? Young DSD? Hugo? HD800? ED5-U? LCD-3? T1? 銅線? Zendo線? XLR? RCA? 全部都唔係境界之內)，就完全體驗出"浪漫感性，鬆容奔放"既"一體臨場"效果。仿似熱戀情人，展露鬆容奔放舞姿，迴繞翩翩起舞，含情默默傳遞無盡愛意，臨場只有你和我，融為一體浪漫感動! 

C兄如果仲未嘔血，請繼續努力再撑多一節，小弟好快會出埋另一個STAX系統配Hugo既"一體臨場"組合效果，同樣激烈，絶無冷場! 


經典韻律 精密控制

又來到另一個高潮，請C兄回顧一下STAX系統上既"一體臨場"組合:

1. "自然美麗 內涵無染" = STAX系統 + XLR(絧線) + Young DSD
2. "浪漫感性 鬆容奔放" = STAX系統 + RCA(絧線) + Young DSD
3. "經典韻律 精密控制" = STAX系統 + RCA(Zendo線) + Hugo

如果"內涵無染"成就咗第一個"一體臨場"，"自然美麗" ; "鬆容奔放"成就咗第二個"浪漫感性"效果 ; 咁"精密控制"又如何成就第三個係Hugo上既"經典韻律"效果?! 

小弟想先品評一下Hugo既概括特性，其實未入手試聽就已經發現佢幾乎係有完滿既技術性效果，由入手Hugo開箱配接AK100，WA22，到而家既STAX系統，相對於小弟熟悉既"鮮活大氣"，Hugo既表現都係咁獨特"悠密甘甜"，完全唔係小弟聽慣既果種風格。小弟或者應該以當今主流經典代表效果來看待Hugo風格，用"經典韻律"形容應該亦不為過! 事實上，Hugo背後有一股强大既"精密控制"力量，無處不在發揮作用，使輸出達到極緻技術性完滿效果! 小弟有充分耳感體驗去支持呢個貼切比喻! 

不過事情並無咁簡單，小弟又講番轉頭，細心既C兄可能巳發現"經典韻律"相對於"自然美麗"及"浪漫感性"其實仍未完全脱離音形肢體，"精密控制"亦未脱離技術性既表達層面。以小弟既標準，Hugo效果極其量只能達到"享受"級别，因為仍有可被欣賞既對象"經典韻律"，並未真正進入小弟追求既"一體臨場"感動境界。

有趣既係，小弟最後又話Hugo"經典韻律，精密控制"效果係一個"一體臨場"組合，點解小弟咁講?! 其實仲有一個更深既體驗層次，高潮中既高潮，請C兄耐心繼續追，下一章STAX 系統 第六章: 華麗殿堂 天工藝術，自有分解 ......


相關文章:

STAX 系統 第一章: 我是誰?!
STAX 系統 第二章: 初嘗驚喜!
STAX 系統 第三章: 非平衡更譲人驚嘆!
STAX 系統 第四章: 理想預期 vs 耳聽為實
STAX 系統 第五章: 鬆容奔放 vs 精密控制
STAX 系統 第六章: 華麗殿堂 天工藝術
STAX 系統 第七章: 開箱與品聽小結

STAX 系統 第四章: 理想預期 vs 耳聽為實

今日小弟將成套STAX系統重新入番箱，唔係因為想退貨，而係整理下個私Lab，亦表示為期個幾月STAX系統第一階段品聽巳經完成咗。所有品聽效果亦巳經刻印係小弟腦裏面，小弟會續步完成埋係STAX系統上揾到既另外兩個"一體臨場"組合效果品評。C兄準備好未?! 小弟唔客氣來料，小心比小弟d口水浸暈!

首先係一個概括性效果品評，STAX系統以非平衡連接Young DSD及Hugo，雖然場感闊度不及平衡連接模式，但主體音形線條及對比性較强，音樂感亦比較重，DAC"個性"更容易突顯出來。事實上，Young DSD同Hugo既風格分别非常明顯，STAX系統既線性表現的確將兩種完全不同韻味演譯盡情發揮出來。小弟用"精密控制"形容Hugo及"鬆容奔放"形容Young DSD效果，C兄唔應該感到奇怪!

另外兩個"一體臨場"組合分别係Hugo配Zendo線及Young DSD配純銅線，以RCA非平衡連接STAX系统。呢兩個組合耳聽為實既效果同小弟自己既預測好唔同，的確有d意料之外。所以吹水還吹水，最終都係要過埋自己隻耳先好收貨，真係中毒死都叫甘心情願享受過，因誤會而跳落火坑，死咗都唔知咩事先最無辜!


理想預期 vs 耳聽為實

終於來到期待巳久戲肉部份，小弟先介紹既係STAX以純銅線接上Young DSD呢個"一體臨場"組合效果。

首先呢個組合效果其實似曾相識，效果非常有"膽味"，既豐滿又包滿，無邊際空間卻同時擁有强大充氣感，係感動狀態下，小弟完全分唔出係STAX還是係WA22既組合，合埋眼盲聽仲以為係一個係WA22上既HD800 + ED5-U + LCD-3 + T1既"一體臨場"效果。

小弟先嘗試用對比法進一步詳述組合效果。其實一開始小弟预期組合係用Zendo線效果會更好，因為Young DSD本身表現係比較鬆容(casual)，另一方面，相對WA22既"豪邁大氣"，STAX系統就"斯文淡定"，當STAX加上Young DSD，预期就係"鬆容"+"斯文"。

係咁既先設预期下，小弟期望Zendo線可以增強動態效果及緊奏性，及進一步提升音形線條質感，即係唔好一味表現"鬆容斯文"(甚至係出現hei感)，要激既地方就唔該同我放盡d。相信C兄都唔會否定，小弟呢種預期，係make sense好合情理既，所以用Zendo線連接Young DSD及STAX系統，係小弟第一個試既非平衡組合，可惜效果並未如小弟期望!

出乎意料，以Zendo線連接既組合效果並無小弟期望既"鮮活"感，亦無"大氣"感。雖然表現均衡，但好似"推唔起，推唔開"，完全揾唔到可欣賞既獨特性，更唔好話感動小弟既韻味元素，只能算交咗行貨去到"舒服"級别。呢個所得效果對小弟既自信唔多唔少有d打擊，係咁正既技術質量背景，及組件配合下，都只係有一個平平無奇效果，小弟猶疑咗好一段時間，仲特意連續比較品聽，確定耳感無誤，最後始終都係"耳聽為實"戰勝咗"理想預期"!

講完對比，Zendo線使小弟失望，咁以純銅線連接Young DSD及STAX系統既"一體臨場"效果，"浪漫感性，鬆容奔放" ，詳盡耳感又係點呢?! 下一章STAX 系統 第五章: 鬆容奔放 vs 精密控制，高潮疊起，保證精彩!


相關文章:

STAX 系統 第一章: 我是誰?!
STAX 系統 第二章: 初嘗驚喜!
STAX 系統 第三章: 非平衡更譲人驚嘆!
STAX 系統 第四章: 理想預期 vs 耳聽為實
STAX 系統 第五章: 鬆容奔放 vs 精密控制
STAX 系統 第六章: 華麗殿堂 天工藝術
STAX 系統 第七章: 開箱與品聽小結

Woo Audio WEE 第二章: 正式入手!

話説小弟係Woo Audio WEE - 厲害了! 我的組合! 決心要入手WEE，今日剛剛落咗Special Order。唔止$499美金，埋單要加多$86美金運費及3%國際訂購附加費，真係無陰功!

小弟之前收到風，話造埋最後一水，WEE可能停產，係官網産品列中已及被移除咁話! 不過今日落單時返而見到WEE仍然存在，仲多咗d補充資料! 新説明中唔建議WEE配用耳機STAX SR-009及SR-007MKII，但建議配用SR-L700及SR-L500。Woo系統方面就可以配WA234及WA5第二版。

WEE會唔會真係停産?! 好明顯係一個經濟問題，話哂係講緊做生意，做生意當然係要赚錢啦! 如果官方有心要停産，證明銷售方面唔係好理想，代表市場需求不足。

的確，作為一個轉换器，即使係一個優質既轉换器，WEE既定位係比較尷尬，官方亦強調，最好效果係使用獨立靜電耳擴，WEE则可以作為捷充既靜電耳機體驗方案。

不過正如前文所講，對於同時擁有WA5及靜電耳機，鍾愛Tube Rolling體驗不同組合效果多過迷戀"絶對音質"既小弟來講，WEE絶對有特殊意義! 唔知有幾多C兄有同感?! 又有幾多WA234及WA5用家會好似小弟咁入番一台WEE玩吓?!

有買快手，有興趣可以去新官網睇吓:
https://www.wooaudio.com/amplifiers/wee


相關文章

Woo Audio WEE 第一章: 厲害了! 我的組合!
Woo Audio WEE 第二章: 正式入手!
Woo Audio WEE 第三章: 安心到貨

STAX 系統 第三章: 非平衡更譲人驚嘆!

係上一章小弟分享咗STAX系統效果，短短二星期內就達到"一體臨場"感動要求，小弟同時發現STAX系統既線性特性，當配上唔同訊源DAC，就可以有明顯不同風格，可以話要斯文有斯文，要力量有力量，所以STAX系統基本上就係一個"無染"既後級組合(相對於WA22 "豪邁大氣")，洽洽就係讓小弟更容易體驗Young DSD及Hugo既各自獨特個性。好啦，高潮將近，C兄先唔好咁激動住，小弟再吹住一段水，比C兄頂住癮先，保持頭腦冷靜!

第三章小弟改用非平衡RCA連接，效果係更譲人驚嘆，完全超出小弟預期! Young DSD同Hugo係非平衡模式下推STAX系統，效果又有幾大差别?!

平台無關

STAX系统既"一體臨場"效果同WA22，WA6 SE既有咩分别? C兄必定知道小弟會答係"等價"，因為係小弟主觀既可尺度標準下，佢地都係技術性完全(technically competent)，係"一體臨場"既必要條件。由此可見進一步確定，成日掛係小弟嘴邊既所謂"一體臨場"係與系统平台無關(platform independent)。任何系統只要有適度調配彈性，小弟都有可能揾到"一體臨場"效果! 大路既講法係，好似戀愛感覺，只要一旦愛上，就唔好問我背後既技術性因素，眼耳口鼻身栽比例組合? 不過係既有關亦無關，一個特定狹隘(甚至係被市場化，因為用咗某高質缐材膽管耳機部件?! 去韓國整容執正索咗?!)既自圓其説解釋!


五種組合

首先小弟又要先讚下自己英明神武，小弟的確有先見之明，係AMP部份一開始就去盡選SRM-007tII(相對006tS)，係動態彈性力量感方面既表現就得到保障，唔會成場得獨孤一味"斯文淡定"，係耳機方面SR-507既可擴展性能力，配合SRM-007tII及其他配件背後技術性質量支持，絶對可以去到小弟要求最極緻效果。高密度連續品聽咗成個月，完全可以肯定呢套STAX SRM-007tII + SR-507系統，對小弟來講係最優選擇!

入正题報告業績既時候，聽過當前所有可配組合，以Young DSD及Hugo作DAC輸入，並以Zendo及銅線連接，共有5個組合效果，3個Young DSD(1個平衡 + 2個非平衡)，另外2個係Hugo，小弟最終得到3個"一體臨場"及2個"舒服"效果!

有咗業績，就可以評一下呢套STAX系統性價比，系統售價相當於當前一對高階旗艦耳機，例如小弟之前入咗既LCD-3及Edition 5 Unlimited耳機，STAX系统雖然未算係小弟巳聽過最感動組合(去到催人落淚效果)，但肯定係最高淨質量既系統(一方面係STAX本身既性能，另外亦係小弟系統基建質量不斷提升)，而且一次過可以比出3個"一體臨場"效果，相對小弟其他耳機，千煲萬試，先揾到一個"一體臨場"，巳經係值回售價。

5種組合效果，3個"一體臨場"，之前已經評介咗STAX系統配Young DSD平衡連接既"一體臨場" - "自然美麗，內涵無染"，仲有兩個組合效果又有咩異同?! 概括定調係"經典韻律，精密控制"及"浪漫感性，鬆容奔放"。下一章STAX 系統 第四章: 理想預期 vs 耳聽為實就可以完全交待另外兩個STAX系統"一體臨場"組合細節效果!


相關文章:

STAX 系統 第一章: 我是誰?!
STAX 系統 第二章: 初嘗驚喜!
STAX 系統 第三章: 非平衡更譲人驚嘆!
STAX 系統 第四章: 理想預期 vs 耳聽為實
STAX 系統 第五章: 鬆容奔放 vs 精密控制
STAX 系統 第六章: 華麗殿堂 天工藝術
STAX 系統 第七章: 開箱與品聽小結

STAX 系統 第二章: 初嘗驚喜!

第二章講番STAX系统開箱試聽，小弟決定以最高裝備配套規格招呼SRM-007tII + SR-507新系统。係個Lab直接上電池補完，減震木粒，減震鼠及晶石鎮壓住火牛及膽管, 以Young DSD平衡模式輸入，前端USB亦加上JitterBug。如此陣容，究竟小弟套STAX系統表现如何呢?

其實小弟巳偷聽過齌接STAX系统，有"燥熱"感，一陣"鞋"及"矇"味，最高裝備配套盡量可能減少樽頸位，睇下STAX系統盡情發揮可以去到咩程度。不過頭一節試聽就出咗事，原來小弟未睇清楚，就將耳機左右方向反轉咗來戴，唔怪得知聽咗不下百次既飲歌，音像定位咁唔同，仲以為靜電系統真係有咁奇異演繹效果，不過又幾得意好聽!

係最高裝備配套下正式試聽，第一個效果就係"舒服"，一切都好似預期咁斯文淡定。跟住來到第二及第三節，彈性及音樂感開始展現出來，係Young DSD平衡模式下，STAX系統亦可以有咁適度力量爆炸性表現，小弟之前驚STAX系統表現太斯文既"憂慮"，就此一掃而空。踏入第四節，效果就更係使小弟耳前一亮，STAX系統效果變化奇快，竟然使小弟聯想到煲煉LCD-3及Edition 5 Unlimited耳機時既效果! 究竟發生咩事?


一體臨場

小弟食完晚飯, 繼續品聽咗STAX系統接近2個鐘, 終於係出呢段文前十分鐘達到"一體臨場"效果! STAX系統只係開箱一個星期, 行咗大約未夠20個鐘, 就已經去到小弟既"感動"要求 ...... 以而家所得效果，小弟覺得呢套STAX系統SRM-007tll + SR-507係物有所值! 覺得自己英明神武，決擇完全正確，SR-507耳機效果更係喜出望外!

好啦，STAX系統既品聽終於來到戲肉部份，話說小弟聽到第四節，STAX系統就來料，小弟作進一步評論如下: 覺得中低頻既彈性竟然有d似LCD-3，分析力豐富層次感有d似Wonder耳機，但又無前者既暗沉，亦無後者既極端鬆散不穏現象。STAX系統最明顯特色係音節之間既細膩交接做得非常自然舒服，音形線條洽到好處毫無不足或過份造作。到咗第五同第六節，STAX系統音場得到進一步擴展，表現出多層次緃横連貫感，而且有近似HD800果種無邊際既空間，但又無HD800果份冷傲直白!


自然美麗

來到呢個階段，小弟基本上巳經掌握到Stax系統特性，幾乎係集小弟其他旗艦耳機優點(與其咁講，不如話各項效果洽到好處，無獨特偏執特性)，而且感覺係小弟聽過最線性既組合，不過線性又唔代表交行貨，平淡無味(小弟下一節再交待)。再聽咗兩節之後，就更奔放流暢，最終達到小弟既"一體臨場"感動要求，比呢個STAX系統最合適既形容詞就係洽到好處"自然"，内涵無染"美麗"!

係下一章，STAX 系統 第三章: 非平衡更譲人驚嘆! 小弟再報告Stax系統配非平衡模式連接Young DSD及Hugo效果，保證更精彩!


相關文章:

STAX 系統 第一章: 我是誰?!
STAX 系統 第二章: 初嘗驚喜!
STAX 系統 第三章: 非平衡更譲人驚嘆!
STAX 系統 第四章: 理想預期 vs 耳聽為實
STAX 系統 第五章: 鬆容奔放 vs 精密控制
STAX 系統 第六章: 華麗殿堂 天工藝術
STAX 系統 第七章: 開箱與品聽小結

STAX 系統 第一章: 我是誰?!

小弟又入多一套Head-Fi系統，今次係STAX靜電耳擴耳機，唔好問小弟點解，之前話唔玩而家又玩，咁緊係有理由，遲 d先再噴口水解話! 同C兄玩下"靜電耳擴耳機我是誰?!" 究竟小弟選擇咗邊個套裝系統?! 還是自選配套組合?!


STAX 靜電耳擴耳機我是誰?!

選擇題係套裝? 自選組合?

1. 套裝 - STAX SRS-4170 (SR-407 + SRM-006tS)
2. 套裝 - STAX SRS-5100 (SR-L500 + SRM-353X)
3. 自選組合 - 耳擴 + 耳機

A - STAX SRM-006tS
B - STAX SRM-007tII
C - STAX SRM-353X
D - STAX SRM-727II

1 - STAX SR-507
2 - STAX SR-L700
3 - STAX SR-007MK2
4 - STAX SR-009

官方網站: http://www.stax.co.jp/index-E.html

提示: 小弟唔會一味盲目追求貪新鮮唔新唔買，或者唔贵唔買，亦唔會貪平將貨就價! 講咗咁多等於無講，一句講哂，小弟只會選擇最好玩最適合自己既"經典"系統!


自圓其説

講到入手STAX系統，又係小弟自我解話既時候，背景係咁既，話說小弟前兩年想玩桌面系統，都有考慮過STAX系統，即使STAX系統音質效果得到肯定，當時覺得佢太封閉獨立，無咩彈性，所以唔考慮。靜電系統一直係Head-Fi發燒級既一大"經典"支派，唔玩過真係好打極都有限，而家上埋STAX靜電系統，可以講小弟耳界大開。

小弟一路玩咗幾對旗艦級耳機，各有不同特性，最終都可以殊途同歸去到"一體臨場"效果。小弟入埋STAX靜電系統其中一個想法，就係想比對现有系統既效果。STAX系統本身效果會唔會就巳經係"一體臨場"? 電池補完及其他調音配套對STAX系統最終輸出又有幾大影响?

最重要係仲有一樣可配合STAX系統既變化，最近先意識到(係小弟最終入手STAX系統決定性因素，暫時保留小小秘密，遲d玩到再講)，更可能使STAX系統出現"升級"式效果，有多幾度板斧去調整相對封閉靜電系統，可以玩得盡興。


決擇時候

點解小弟既選擇係自選組合B1 = SRM-007tII + SR-507呢?! 首先係耳擴部份，C兄知道小弟迷戀膽管效果，又要玩Tube Rolling變化，所以小弟選以膽管作為輸出既產品型號係理所當然(與期話玩Head-Fi，不如話小弟係真玩膽可能更貼切)。既然選定要膽管產品，就係小弟能力範圍要最好既007tll，相比起006tS售價高出60%，共用四粒6GC7/ 6FQ7以兩組并聯輸出，無容置疑效果明顯係會更勝一籌。

至於耳機方面，經過硏究分析，小弟用咗不同既選擇策略，今次好明顯係考慮埋性價比，進可攻，退可守，等等因素，所以選擇咗小弟認為係上一代最成熟既型號507，而唔接近高出4倍售價既當今旗艦009。


印象回顧

係出品聽報告之前，小弟又做下回顧，STAX系統係小弟印像中，無論係網評或小弟之前自己試聽(不過都係幾分鐘)，感覺都係比較"經典"，規矩斯文果種格調。爬文睇過有評論類似係"係好正，不過無甚驚喜，唔係我杯茶"!

小弟入手STAX系統之前其實有類似"憂慮"，由於系統封閉，缺少可調音環節，效果會唔會缺乏動態音樂感?! (咁當然係相對小弟既主觀耳感來講)，隨住時間及小弟Head-Fi系統擴展，與期繼續入手旗艦動圈動鐵或平板大耳牛，STAX靜電系統經典自成一家，就值得一玩，特别係當小弟知道可以自行轉換輸出膽管(由於高壓工作，用家自行換膽及調節平衡DC偏壓係有一定風險)，係入手STAX系統既決定性因素。

小弟有聽過一陣353X配L-500及006t配507，但未聽過L-700，007同009。由於試聽只係十零分鐘，所以入手STAX系統前，只有一個"斯文淡定"既整體"舒服"印象。入手之後係自已環境聽咗幾星期，效果係同店鋪聽既要滿意得太多，空間及音樂感，人聲韻味完全係兩回事(應該同加咗私人裝備配件及調音有關)。

小弟入507係比較保險選擇，不過事實係呢隻咁"膠感"既耳機，係小弟環境巳經可以去到咁既效果(係開箱文再報告，小弟準備玩埋換6CG7膽，及換訊號線進一步調味)，暫時比唔出理由，出多幾倍價再上007或009，當然係個别技術性能表現，及個人要求不同，不能一概而論，所以有機會小弟都想聽下配007及009既效果。


熱切期待

STAX系統開箱之後，小弟以最高配置規格(小弟玩嘢又點會咁簡單，戲肉仲係後頭)品聽番一先再交代聽感。C兄唔使疑惑，初聽效果係非常理想，問題係，同小弟現有既WA22膽管組合下既"一體臨場"效果比較，去到咩級別程度?! 又有咩獨特之處?! 會唔會一開聲，就已經係小弟追求緊既"一體臨場"效果?! 密切留意STAX 系統 第二章: 初嘗驚喜! 不容錯過!

相關文章:

STAX 系統 第一章: 我是誰?!
STAX 系統 第二章: 初嘗驚喜!
STAX 系統 第三章: 非平衡更譲人驚嘆!
STAX 系統 第四章: 理想預期 vs 耳聽為實
STAX 系統 第五章: 鬆容奔放 vs 精密控制
STAX 系統 第六章: 華麗殿堂 天工藝術
STAX 系統 第七章: 開箱與品聽小結

Woo Audio WEE 第一章: 厲害了! 我的組合!

2018年係小弟既遷移年，要搞Project Move，又要玩"一個私Blog的誕生"遊戲，真係好唔得閒! 雖然係咁，其實小弟都有嘢想係2018年入手，又係Woo Audio，對大部份C兄來講，應該從來未聽過Woo Audio WEE呢隻比較冷門產品。

C兄用些少時間了解咗WEE既功能之後，就知對於同時擁有WA5及STAX系統既小弟來講，WEE係有特殊意義! WEE可以將一個3W或以上喇叭輸出轉換，再推動STAX靜電耳機，請C兄參考有關技術指標。

可以想像到小弟準備點樣玩法，"厲害了! 我的國!"，應該係"厲害了! 我的組合!"，就係將WA5既喇叭輸出(最大輸出功率大約8W)，接上WEE推動STAX SR-507耳機! (已得到Woo Audio官方確定可行)。

厲害之處不在於絕對既音質表現，WEE只係一個輸出轉換器，WA5 + WEE + SR-507得到既絶對音質，唔見得會比小弟現有STAX SRM-007tll + SR-507系統優勝! 不過咁又如何?! 而家唔係儀器或小弟品評聽失真，只要唔係離哂譜"明顯"不能入耳，如果係咁，WEE一早就應該出唔到世，不可能成為一件市場產品! 事實上，以小弟係網上察覺到既口碑，WEE既效果係非常正面!

既然厲害之處不在於絕對既音質，厲害之處當然就係可玩性方面! 現實既情節係，相對於原裝STAX系統得一種風格，小弟係WA5玩Tube Rolling有一百幾十個組合，而家可以移植到靜電耳機上作全新輸出，表示小弟又多聽咗好多唔同組合表現，深信其中一定揾到可以感動小弟既"一體臨場"效果! 小弟d口水及品評文章一定滿瀉呢個私Blog，"厲害了! 我的Blog!"


相關文章

Woo Audio WEE 第一章: 厲害了! 我的組合!
Woo Audio WEE 第二章: 正式入手!
Woo Audio WEE 第三章: 安心到貨