剛剛入手Marshall Woburn III都未夠一日，就決定要出開箱文及初感，唔使講一定係有驚喜！
沒有最好
Marshall Woburn III，係當前最新一代藍芽型號中既巨無霸。係咪最好，真係唔知，但肯定係最適合既選擇！
話說想係自己既納米辦公室，大約24平方米，正長方形開放式一體空間，加音箱，可以連接不同音源，例如：電視，DAC，平板及手機作為日常使用，無線連接係必須的。
只有最夾
辦公室而家更似係一個私人貨倉同自閉空間。由於間隔未定，加音箱唔想搞太大動作，最好就係無線連接，又唔多件頭就最合適啦！亦唔追求極致，筆直係$5,000之內。
百花齊放
唔追求極致既筆直，市場其實選擇太多！N個牌子，每個牌子又有M個選擇！定咗心神之後，範圍收窄到大口徑同大功率輸出產品！
兩強之間
最終發現咗Marshall，未聽其聲，先聞其名！一個陌生但知識既品牌，Woburn III之前，從未入手過佢既產品！
做咗些少資料搜集，網上分享試音及比較，得到既初步認知係，Marshall品相一流，音質出衆！經典對手係Fender。兩隻牌子都有類似起家軌迹，Marshell係英式風格，Fender係美式風格，其中特性，無意深入探究。
忠於自己既要求，再分析咗一輪，最後鎖定兩款產品，分別係Marshell Woburn III，及Fender Monterey Tweed。相者都係經典，其中Monterey Tweed更似古董，Woburn III係經典之中，加入咗唔少時代感。
音色方面，好明顯，風格大相徑庭！網上試聽到既效果亦唔太一致。自已既第一印像係，Woburn III音場較大，平直輸出，微冷，音像微墮後，音素之間協調性不足，而且有一層糙砂微粒感。
至於Monterey Tweed，相對比較暖音，分析力好，音像實淨有線條感亦到位。簡單講法，性感！比較適合自己傾向既味道！不過，亦有音染之嫌！
上述聽感其實並唔出奇，一來Woburn III出世時間短，Monterey Tweed已係成熟產品，而且試音單元亦可能未行夠鐘時，未進入狀態。二來網上試聲經過咗好多轉接，對音質音色已經有所扭曲，所以只能作非常粗略印象分！
以小弟經驗，初開聲時越唔協調越怪者，通常入狀態之後都有更大驚喜！Woburn III會唔會又係另一個例子？魚與熊掌，最終要以臨場聽過實物為準！咁當然，兩者兼得就完美！
可惜，原來Monterey Tweed已經停產，分銷店亦無存貨。全網搜尋，得番一件，係非官方銷售產品，索價一倍以上，仲要外國送貨，風險極大，唔強求啦！
初試啼聲
集中精神搵Woburn III真身試聽，最終只能試聽到Stanmore III，同系中既中級形號。店長、要求先付款，先可以開箱聽Woburn III，心想如果可以接受Stanmore III，Woburn III應該係無問題啦。
Stanmore III用藍芽連接手機，聽咗30分鐘之後，決定出血付錢，即場開箱Woburn III！又聽咗30分鐘！時間已經來到晚上8點，急忙搬Woburn III返到辦公室，已經係9點！無論如何，就地正法，今晚玩通宵，驗明真身！究竟Woburn III係虛有其表只買色相，定係材貌雙全？
秀色可餐
雖然對音質音色已經有咗結論，選擇效果穩定一D之後再講。先來評論一下Woburn III既品相及整體印象。
其實都唔使點講了，選擇咗黑銅金色版本，兩個字，型！潮！好明顯，經典與潮流的結晶，特別留意到前面底邊銅金比上一代收窄咗，睇落係無咁土豪味！完全唔會懷疑佢係設計上既精心考思！
如果真係要搵嘢講，就只能雞蛋挑骨頭，有無缺點？有！所以只得98分！果兩分扣左係邊處？
仔細觀察，基本上正常人係唔會察覺既缺點，要係0.01米既距離先可以挑出來！發現機身前面網織紋有兩小節移位，排列不公整，用牙纖小心推整一下就搞掂。另一方面係，包膠皮原來唔係一整圈，機箱右下方係有接口，如果係無縫包邊就完美！
用些少篇幅講頂面操控板設計。由右至左，好鍾情機械式電源開關，果種阻力手感同啪啪聲！一個多功能推按操控製，按暫停/播放，推向前及向後跳曲，方便操作又不失型格！
覺得最有時尚感係音量，高音及低音三粒螺紋鈕，配合圍邊發光LED指示量度，簡直係一絕！最左邊係AUX 3.5輸入及音源選擇按鈕，亦有發光LED指示訊源，同樣醒目型仔！
背面音頻導孔，電源接座，音源接口有RCA及HDMI安排，亦無可咩可以再講了！整體感覺，格調就係高出幾個擋次！
場景佈置
終於來到品聽分享環節。先講些少佈置安排，目的係讓讀者更了解呢次分享既獨有場景，限制及取向。
首先，試聽全程以藍芽連接手機，在線音源係YouTube，離線係儲存文件夾內既音頻檔。
所處空間大約係24平方米(4 x 6)，Woburn III放係一個比較獨立不靠牆地方，試聽者係正前方距離大約2米處，圖示"0"位置。
另外，三個小改動，進一步提升系統穩定性及音質。機背加上小型散熱器及電源線短路保險膽。各位切勿隨便嚐試改動，或引起機件損壞，甚至人身危險！係機箱下面加一塊1cm硬加力膠打底，上面摺放原本用來包裝機箱既發泡膠袋，減低音頻反射。
越聽越有
大容氣度
經典違憾
沒有留言:
發佈留言