小弟一直以來既理想，係以手機作為播放器帶少一件，配合外部流動DAC + AMP產品，組合成流動品聽系統！要夠大推力及高音質輸出匹配大部份耳機。除咗可以作DAP，仲要可以獨立運作DAC及AMP兩部份，獨立數字及模擬輸入，模擬輸出接口亦要齊備！
咁既要求其實唔係太多選擇，其中兩款有代表性係Woo Audio WA11及Chord Hugo2。無選 Hugo2，係因為配手機又係一抽二咁，覺得佢推力未夠強大。至於WA11，可以同智能手機組合既一體設計，暖厚聲底及大推力AMP，一度吸引小弟眼球，特別做功課深入了解，仲出埋口水文自己做評審。
點知出文要揾料支持入手WA11決定，就留意到差唔多價位水平既DAP做對比，發現其實市場不乏DAP滿足小弟上述要求，只要放棄一定要用手機做播放器呢個條件！最後小弟做咗個取捨決擇，將系統重新定位，從二層: 桌面 + 流動，改為三層: 桌面 + 可携 + 流動，意念搞清晰之後就好辦事。
現有既Cobalt + 智能手機就成為流動組合，作為貼身日常品聽，新既系統定位係多用途品聽，只要係可携就可以了！即係話，iBasso DX220 Max一類既可携DAP，亦可以成為小弟做評審既新目標！至於點解係iBasso DX220 Max，又係另一個故事！(參看另文iBasso DX220 Max 第三章: 强國磚頭)
相關文章
沒有留言:
發佈留言