開箱介紹部件例排嘢唔講了，先講鋼磚既第一手感，咪就係一磈鋼磚咁既手感囉！泊得住金磚既墜手感，同樣可以出其不意，做暗殺武器！不過鋼磚相對比較內斂，唔似得金磚有一陣土豪味。鋼磚既一身造型，其實係好簡約，銀灰中帶金黃既金屬質感，正合小弟品味。
鋼磚到手之後，最引起小弟注意既，就係要行雙充電，多咗隻火牛，又要另外搵一個USB充電接口比佢，係有些少唔慣。難唔到小弟既，準備一個有USB大電流接口同防峰波既拖板招呼佢就掂！
跟住吸引小弟既就係，跟機送埋一條Burn-in負載4.4mm平衡線，都咪話唔貼心！小弟爬文睇過相關內容，特別Burn-in唔係必須既，平時品聽已經可以有熟化過程，不過要幾百個鐘之後先有好效果咁話。好明顯，小弟係唔會用條Burn-in線，小弟想享受埋係熟化過程中變化帶來既驚喜！
充滿電之後，第一件事就係上網下載最新Firmware，正式品聽前要下載完成更新咗先！
雖然鋼磚操作上間中感覺好似有零點幾秒延後，大致總算係暢順，以小弟聰明才智，唔使半個鐘，再入埋d飲歌，嗱嗱聲就轉過去行鋼磚自家製優化既Mango OS模式，完成一切準備就緒。
相關文章
沒有留言:
發佈留言