JVC SpiralDot++

JVC SpiralDot++非常出名，小弟終於忍唔住，出於好奇同對更優質品聽效果既追求，最終買咗一套嚐試配Sony IER-Z1R，期望可以對比原廠膠套，甚至得到更匹配效果。

JVC SpiralDot++既用料及隔音原埋，小弟唔講了。入得來睇小弟文，直接就分享使用效果。首先，講吓配戴感受，小弟選咗M中碼尺寸，效果同原廠矽膠套相差不大，甚至更容易鬆開，配戴適舒度方面係完全無改善！

跟住來到品聽效果方面，小弟聽完之後，同原廠膠套效果對比，JVC SpiralDot++對小弟來講，係完全唔掂！雖然未至於不能入耳，Z1R配咗佢之後，空間音場都大幅收縮，無咗原有既“淳厚悠盈”，甚至連Cobalt既“恬淨美麗”都發揮唔到！

得到既只能算係一個平平無奇既效果，好似聽緊另一部耳機，完全感受唔到係Z1R既表現！小弟再次領會到Z1R既“難夾性格”！都係得一個結論，最夾既可能巳經係身邊！

對於呢個結果，小弟完全唔會懷疑JVC SpiralDot++既質量同設計，純粹只係一個夾唔夾既問題！好明顯配小弟係唔work！可惜耳機套係無得事先試聽，只能暫時將佢收藏，睇吓將來有無機會再配搭發揮佢既性能。