有人辭官放飛機，小弟漏夜趕水尾！執番一件iBasso DX220 Max！之後又有大把嘢講！第一件事，唔使講緊係插咗Sony IER-Z1R同Shure SE846落去，攞返個第一聽感先啦！
小弟之前仲好地地講緊Woo Audio WA11，突然又手入iBasso DX220 Max，意唔意外？！驚唔驚喜？！小弟後發先至，出手支持國磚！小弟之前亦試聽過Sony NW-WM1Z，都無死係金磚手上！未聽過iBasso DX220 Max，反而作死自動送上門！參看另文iBasso DX220 Max 第二章: 取捨之間。
iBasso DX220 Max點睇都有佢既獨特之處，小弟先幫佢作翻一個花名，取其鋼鐵造形，大力如牛！名符其實係“鋼磚”！唔係！原來第一件事係要玩佢既雙充電！食飽咗先能變成鋼牛！出文時，鋼磚仲係第一次充電，小弟準備比佢充過夜，第二日先開始玩。
別人入手，我停手；別人放手，我入手！小弟近排見到好多人放金磚，菊磚同鋼磚。一時間，成街都係二手磚，睇來磚頭遊戲真係巳經玩到水尾！小弟睇到定，拖到凍哂先出手，係芸芸眾磚之中，選擇入咗一部全新鋼磚，參看另文iBasso DX220 Max 第三章: 强國磚頭，榮升有磚階級，準備慢慢煲，慢慢聽！
繼Shure SE846，AudioQuest DragonFly Cobalt，Sony IER-Z1R之後，小弟再一次考驗自己眼光，睇吓鋼磚可以比到小弟幾多驚喜？至於正式品聽前既準備，參看另文iBasso DX220 Max 第四章: 開箱準備。
小弟準備先試SE846 + Gold 32之後再試配Z1R + 原廠線，分成3組:
補充一下，今次係小弟正式第一次以平衡模式品聽自己既流動系統，心情難免有些少緊張！係唔係驚喜？有幾大驚喜？係咪再一次證明小弟英明決擇？小弟所得既初聽效果，參考另文iBasso DX220 Max 第五章: 初聽體驗。
時間尚早，頭二十個鐘初聽只能算係熱身，小弟雖然唔想講咁多住，已經可以體會到鋼磚既淨音質及大推力優勢，係鋼磚比出既第一個驚喜，將耳機性能釋放到一個新台階，甚至係可以將一向以為熟悉既耳機特性改變到有陌生感覺！
小弟亦大概掌握到鋼磚既獨特意像，同Cobalt係完全兩種風格，同金磚亦大有異同！鋼磚似乎仲有大把在手，好相信佢會最少係未來既幾年陪伴小弟，一路會有演變！幾年後再回首，唔係，而家已經可以肯定，小弟今日趕水尾入鋼磚係絕對正確英明決擇！
事實上，鋼磚既到手，配上Z1R之後既組合，對小弟來講係別俱意義，參看另文iBasso DX220 Max 第六章: 鋼鐵組合。
品聽過鋼磚進一步了解之後，小弟對佢亦產生一份特別感想，參看另文iBasso DX220 Max 第七章: 定位非凡。
雖然鋼磚體重不利流動，小弟都決定暫時將Cobalt及SE846入盒，鋼磚＋Z1R＋原廠線替代成小弟貼身品聽，目的係盡快煲熟佢地及享受其中變化過程。鋼磚既設計初心好明顯就係座枱應用為主，隨身流動唔係主要針對範疇，不過小弟都做一個親身體驗可行性，參看另文iBasso DX220 Max 第八章: 隨身流動。
鋼磚身上突然多咗兩塊大圓餅，其實係小弟一路品聽鋼磚時試用天然礦石，可以幫助屏蔽電磁波，反覆試聽覺得鋼磚音質係有一定改善，參看另文iBasso DX220 Max 第九章: 絕對音質。
話說小弟巳經入手鋼磚一個星期，基本上掌握咗鋼磚既使用特性，係用電充放電方面，決定為鋼磚配一塊高容量外置電池，目的係優化操作，減少內部電池充電頻率，參看另文iBasso DX220 Max 第十章: 電池補完。
淘醉係無暗角完全展開既音場及鉅細無遺分析力下既淨音質表現，不知不覺就來到第三十個鐘既品聽，Z1R既獨特音色再次顯現。
空間縱深拓展，通透清晰，音像不斷被打磨，從粗到幼，從大到小，從小到微，直到精緻。大動態帶動微動態再到迅動態，層次感不斷湧現細膩。三頻調和，韻味滲溢。
喜愛既元素，淳，厚，恬，淨，全部浮現開始相互交融，悠然舒情，開始運作編織意像。
鋼磚既品聽來到第五十個鐘，出聲基本上已經穩定。鋼磚不負小弟期望，最終顯現意像“悠然大氣，溫柔舒情”！詳細展述，參看另文iBasso DX220 Max 第十一章: 一體臨場。
從一開始，小弟就好想知道鋼磚同金磚既效果有幾多異同，唔比唔覺，鋼磚一泊埋金磚，真係足足大咗一個大碼，不過無阻小弟對佢既熱愛。雙磚效果對比，參看另文iBasso DX220 Max 第十二章: 雙磚對決。
待續......
相關文章
沒有留言:
發佈留言