兩塊大圓餅天然礦石貼住iBasso DX220 Max鋼磚，小弟耳聽為實既效果，先講提升咗既部份，第一個感受到既分別，係音場深化，空間通透度提升，聽多咗伴音及背景細節。另一方面，低音回彈速度輕盈感，音像線條及立體感各方面亦得到提升。至於衰減部份，係低音末端橫向擴散幅度既收歛，整體音壓感覺亦更平衡無咁轟耳。
對於呢個效果，小弟個人覺得係有淨音質既提升，概括既講法，就係從“鬆軟”轉向更有“深淨”！如果用一個硬數字表示改善幅度，大約係30％，可以輕易感受到分別。大圓餅用雙面膠紙固定係皮套底面，作為一個常設升級。
出文時鋼磚開聲時間尚短未夠50個鐘，肯定仲會有變化，小弟會一直監聽到咗官方建議開聲200個鐘之後，再報告分享。
相關文章
沒有留言:
發佈留言