話說小弟巳經入手iBasso DX220 Max鋼磚一個星期，基本上掌握咗鋼磚既使用特性，當前鋼磚大概要每日都充一次電，因為小弟每日會開機推煲品聽大約共6至8個鐘，電池量降到40％就會插線充電，新機開始時充放電頻率應該係最高。
決定為鋼磚配一塊高容量外置電池，目的係優化操作，減少內部電池充電頻率。外置電池標額電量有20Ah/ 74Wh，足夠鋼磚續航多一倍時間，而且同時提供高壓19V/ 3A DC及5V/ 2.1A USB輸出充電接口，可以為鋼磚一次過充電，簡直係最佳配件。
實際使用時，外置電池連接鋼磚放係下面，完全代價原裝火牛為鋼磚提供雙充電，充電完畢之後，斷開外置電池輸出充電接口上既DC及USB電線，鋼磚接口上既充電線頭就唔斷開繼續連接住，然後將外置電池移到較遠既地方作AC接電充電。安排好似比較間接，但好處係，大幅度減低鋼磚機身充電接口經常性裝插充電線既使用損耗。
另一方面，聚合物外置電池放電時接近人體相對安全，選擇外置電池移離充電，可以將AC接電充電部份盡量遠離人體。點解唔選擇最方便長期連接？都係基於安全考量。事實上，呢個咁間接安排就係將外置電池作為高質供電媒體消耗品，盡量延長鋼磚本身生命週期。
鋼磚座枱品聽期間，小弟會將外置電池一直接上鋼磚，直到品聽完畢。鋼磚係品聽期間，內部電池都會係一直保持100％電量，減少內部電池充電頻率，係最理想狀態，因為無需內部電池供電，處於非放電非充電監察模式！
換一個角度，就變成係直接由外置電池提供品聽耗電，鋼磚本身無須承受內部電池充放電時熱耗升溫。實際使用體驗，鋼磚既溫度只係和暖，相對一般使用時既“慶慶地”工作溫度更低更健康！
同樣既用電量下，外置電池可以支持到3日只充一次電，大幅降低充電次數，而且係期間，鋼磚內部電池就一直維持係最佳100％狀態！
品聽時連接外置電池工作方式，係有一定風險(注意: C兄唔好照做，小弟唔負任何責任！)，就係要確保外置電池供電量要大於品聽時耗電量，否則就變成又聽又充又放，最大問題係產生更多熱量升溫，係電器大敵！
係音質方面，直接用AC電源經原廠火牛及USB DC連接時，音質有明顯鬆散感，改接外置電池後，對輸出音質並無可察覺影響。以防萬一，小弟都會再詢問官方既意見確定無其他問題！
試驗階段臨時連接就咁玩住先，長遠要覓識L頭短身線及一個托架(木質)將外置電池及電線擋蔽就靚仔哂！
後記擇錄
小弟將之前買落舊有既鉛酸電池DIY串連成一組比鋼磚，目的係將電池部分盡量遠離人身，鋼磚就坐枱放係睡房牀頭，方便小弟休息時品聽！最後決定要DIY一個獨立兩組，5V-24V/2A，可調壓穩壓壓低噪通用線性電源LPS，可以推鋼磚，或者優質供電其他前級系統，參看另文Linear Power Supply 線性電源/ 電池補完。
相關文章
沒有留言:
發佈留言