iBasso DX220 Max鋼磚＋ Sony IER-Z1R + 原廠線，品相其實相當配襯，鋼鐵金屬質感，銀灰色低調內斂，同時散發力量感，可以話就係一個鋼鐵組合！
點解小弟話呢個鋼鐵組合，對小弟來講別俱意義？首先，因為佢地滿足咗小弟既虛榮感，或者唔應該叫虛榮，係一種體驗既期待，鋼磚同Z1R未必係最貴價產品，但肯定係其中一個最高階音質效果既組合。
其實小弟真正在意既係，佢地提供咗一個可對比參考既“高階組合”效果，再配合另一個Shure SE846既“基底組合”(參看另文流動組合)，小弟日後其他品聽體驗及評價，就會得到一個更精準既高低區間比例。
小弟要花一段比較長時間認真品聽鋼鐵組合，就算唔係刻入腦都要好好記住音質及意像！流動組合一文，亦要作出相應協調，引入對鋼鐵組合評價及“一體臨場”體驗！
有趣問題，鋼鐵組合同金磚 Sony NW-WM1Z + Z1R對比如何？就出文時所得效果，小弟巳經心中有數，亦有咗結論。稍後會一會金磚再確定一下，就會係另文交代分享，參看iBasso DX220 Max 第十二章: 雙磚對決。
相關文章
沒有留言:
發佈留言