單端初聽
第一節係由SE846＋Gold 32打頭陣，連接鋼磚3.5mm非平衡輸出。聽完第一節大約4個鐘，小弟急不及待要即刻出呢段文記低佢，完全體會到鋼磚既力量感！SE846被推到唔似SE846，竟然可以出到咁既音場咁既氣度！
第二節係由Z1R + 原廠線上陣，亦係連接鋼磚3.5mm非平衡輸出。聽過之後就更加能夠確定感受到鋼磚性能，音場又有所增強，同時亦聽到更多細節。
鋼磚單端輸出初聽小結，首先講好既方面，豪無疑問就係淨質量既優勢，特別係音場既擴張及分析力方面係可以即時體驗，背景宇宙級空間非常寧靜，充滿能量場感，而且完全聽唔到有底噪。
至於未如理想既方面，最明顯係低頻有些少過轟及層次感不足，中高頻仲延亦係餘韻未盡，音場廣闊但深度未有足夠拓展，整體氣氛輕描淡寫甚至有些少遲緩懶慢，聽落溫暖舒服可以放鬆摧睡！
有一個有趣既地方，預設既低增益輸出推SE846非常理想，但要改用高增益輸出推Z1R先會有更明顯優良效果，體驗到兩對耳機之間既不同性能及需求！
總算來到品聽鋼磚平衡輸出效果，品聽亦到咗第二十個鐘，小弟一次過聽哂SE846及Z1R兩個組合做對比。如果之前單端效果係小試牛刀，咁平衡效果就係真章！小弟聽過之後，真係揾唔到理由會再聽單端。鋼磚既力量，係平衡輸出時得到更平均發揮，音場無暗角被完全展開，空間感及分離度再得到進一步改善，音色亦更悅耳均衡！
先講SE846係平衡模式既效果，完全超出小弟預期！SE846竟然被推出類似Z1R級數既音場及通透空間，去到一個“鬆容大氣”既意像。如果就咁盲聽，小弟一定估唔到係SE846，佢好似被鋼磚格式化咗，失去自己既性格！
小弟之前用Cobalt推SE846效果巳經非常滿意，仲可以得到“一體臨場”效果(參看另文流動組合)，小弟以為佢巳經到咗極限，但係對比用鋼磚推既效果之後，現實就係力量不對等既差別，原來SE846仲可以去到咁盡！再補充一點，鋼磚既強勁推力，似乎亦同時打開咗Gold 32建構通透空間既特性！
跟住輪到講Z1R係平衡模式效果，就係耳前一亮！小弟返復品聽黃金六角，無容置疑，Z1R組合就係最高淨質量者！雖然SE846組合用鋼磚推既效果接近咗Z1R組合，鋼磚其實亦同時極大程度咁釋放咗Z1R既高動態高分析力及獨特音色，仍然係SE846所未能超越！簡單講，大家一齊進步，不過SE846組合進步更多！又再補充，Z1R係平衡模式時，用中度增益設定效果最理想。
相關文章
沒有留言:
發佈留言