小弟對iBasso DX220 Max鋼磚有一種特別既體會，可能C兄都有同感，以鋼磚既實力，其實可以唔只賣呢個價位！加些少土豪或貴味包裝，金版呀，鈦版呀咁，將個價位設係三幾萬同大廠頂級DAP睇齊！
同樣係國磚既其他DAP，特別係菊磚系列，Lotoo PAW Gold Touch Titanium，鈦菊鈦合金限量版，就行咗呢條奢華路線！相對來講，鋼磚就務實得多，出得限量版，性能一線，偏偏就只出鋼殼，唔走一線價位，擺明有陰謀，應該係陽謀至真！
鋼磚機身設計，輸入輸出接口及電平控制全部都安裝係前後面板，再加埋雙充電要求，好明顯就預設平面座枱格局！睇落就似係縮水版巨磚，Sony DMP-Z1！據講，鋼磚既隔離獨立電源設計與巨磚既理念亦係一脈相承！唔睇牌子，仲以為係Sony出咗個定位非凡既巨磚平民版益街坊！
睇來，係鋼磚派街坊！鋼磚被分派到國外內網紅KOL做評審，睇到聽到既，基本上都係好評。唔好一棍就打死哂話人地請打手，咁當然，睇得出就係一個市場策略，品牌工程！值唔值？又回到老問題，做功課！合口味！買得起！可以肯定，會接受鋼磚咁既體重體型，一定係好似小弟呢種不正常人類，講大咗，應該係有特殊要求至真！
好認同鋼磚係音質方面既評價，的確係不一般既高質產品！如果有機會試聽DMP-Z1及對比Sony NW-WM1Z金磚之後，小弟就會再出文分享，參看iBasso DX220 Max 第六章: 鋼鐵組合。
最後，小弟想提出，對眾國磚既發展係恨鐵不成鋼，期望發展自主創新！有一日成為好似Sony及Chord，掌握自主核心科技！唔係做組裝，而係真正市場領導者！
相關文章
沒有留言:
發佈留言