小弟之前初聽Sony NW-WM1Z金磚用Shure SE846耳機，今次帶咗開聲巳經接近百個鐘既Sony IER-Z1R，用平衡連接，可以充份體驗金磚效果，果然名不虛傳，真係完全兩個級數兩種體驗。
先對金磚效果評述，果然係一代經典，幾乎係無可挑剔，特別係音像既塑造，小弟要形容為“雕欄玉砌，工藝精品”！聽得出幾近完美既修飾，效果理想，感受到係比較主動既雕塑！
相對來講，iBasso DX220 Max鋼磚既效果“悠然大氣，溫柔舒情”，感覺係比較被動調制，有一種“不羈閒情”味道！好明顯，係氣同勁方面，鋼磚要勝一籌，係音像既修飾完成度方面，金磚要更完美！
鋼磚有一個特點，就係完全到位，無暗角音場。金磚定位反而有“退半小步”，音場係最邊緣位有些少暗角，有些少勒住勒住，唔敢放到盡，未有完美大開大合既演譯，感覺就係主動式控制既效果。好似攝影曝光，為咗避免最光區曝光過度，通常會將整體曝光率降低，睇落去整幅相就會偏暗。
雙磚既聲底類似，都係偏暖音色，鐘意密實音質者，可能會覺得鋼磚比較“鬆軟”，小弟覺得係“閒情”(特別係前文加貼天然礦石大餅之後)。兩者之間，整體上係鋼磚氣度及金磚精準之間選擇！依小弟個人品味，鋼磚其實係更有味道！
網上評論有話，鋼磚推咩耳機都好聽，係老婆級DAP。前者小弟唔回應了，後者就有同感。小弟用一個更具體愛情階段作比喻AudioQuest DragonFly Cobalt，金磚及鋼磚既效果：
Cobalt鮮活感性，初見索女，激流鼻血！金磚雕欄玉砌，熱戀情人，完美相待！鋼磚悠然舒情，纏綿內助，大氣温柔！
相關文章
沒有留言:
發佈留言