Woo Audio WEE 第二章: 正式入手!

話説小弟係Woo Audio WEE - 厲害了! 我的組合! 決心要入手WEE，今日剛剛落咗Special Order。唔止$499美金，埋單要加多$86美金運費及3%國際訂購附加費，真係無陰功!

小弟之前收到風，話造埋最後一水，WEE可能停產，係官網産品列中已及被移除咁話! 不過今日落單時返而見到WEE仍然存在，仲多咗d補充資料! 新説明中唔建議WEE配用耳機STAX SR-009及SR-007MKII，但建議配用SR-L700及SR-L500。Woo系統方面就可以配WA234及WA5第二版。

WEE會唔會真係停産?! 好明顯係一個經濟問題，話哂係講緊做生意，做生意當然係要赚錢啦! 如果官方有心要停産，證明銷售方面唔係好理想，代表市場需求不足。

的確，作為一個轉换器，即使係一個優質既轉换器，WEE既定位係比較尷尬，官方亦強調，最好效果係使用獨立靜電耳擴，WEE则可以作為捷充既靜電耳機體驗方案。

不過正如前文所講，對於同時擁有WA5及靜電耳機，鍾愛Tube Rolling體驗不同組合效果多過迷戀"絶對音質"既小弟來講，WEE絶對有特殊意義! 唔知有幾多C兄有同感?! 又有幾多WA234及WA5用家會好似小弟咁入番一台WEE玩吓?!

有買快手，有興趣可以去新官網睇吓:
https://www.wooaudio.com/amplifiers/wee


相關文章

Woo Audio WEE 第一章: 厲害了! 我的組合!
Woo Audio WEE 第二章: 正式入手!
Woo Audio WEE 第三章: 安心到貨

STAX 系統 第三章: 非平衡更譲人驚嘆!

係上一章小弟分享咗STAX系統效果，短短二星期內就達到"一體臨場"感動要求，小弟同時發現STAX系統既線性特性，當配上唔同訊源DAC，就可以有明顯不同風格，可以話要斯文有斯文，要力量有力量，所以STAX系統基本上就係一個"無染"既後級組合(相對於WA22 "豪邁大氣")，洽洽就係讓小弟更容易體驗Young DSD及Hugo既各自獨特個性。好啦，高潮將近，C兄先唔好咁激動住，小弟再吹住一段水，比C兄頂住癮先，保持頭腦冷靜!

第三章小弟改用非平衡RCA連接，效果係更譲人驚嘆，完全超出小弟預期! Young DSD同Hugo係非平衡模式下推STAX系統，效果又有幾大差别?!

平台無關

STAX系统既"一體臨場"效果同WA22，WA6 SE既有咩分别? C兄必定知道小弟會答係"等價"，因為係小弟主觀既可尺度標準下，佢地都係技術性完全(technically competent)，係"一體臨場"既必要條件。由此可見進一步確定，成日掛係小弟嘴邊既所謂"一體臨場"係與系统平台無關(platform independent)。任何系統只要有適度調配彈性，小弟都有可能揾到"一體臨場"效果! 大路既講法係，好似戀愛感覺，只要一旦愛上，就唔好問我背後既技術性因素，眼耳口鼻身栽比例組合? 不過係既有關亦無關，一個特定狹隘(甚至係被市場化，因為用咗某高質缐材膽管耳機部件?! 去韓國整容執正索咗?!)既自圓其説解釋!


五種組合

首先小弟又要先讚下自己英明神武，小弟的確有先見之明，係AMP部份一開始就去盡選SRM-007tII(相對006tS)，係動態彈性力量感方面既表現就得到保障，唔會成場得獨孤一味"斯文淡定"，係耳機方面SR-507既可擴展性能力，配合SRM-007tII及其他配件背後技術性質量支持，絶對可以去到小弟要求最極緻效果。高密度連續品聽咗成個月，完全可以肯定呢套STAX SRM-007tII + SR-507系統，對小弟來講係最優選擇!

入正题報告業績既時候，聽過當前所有可配組合，以Young DSD及Hugo作DAC輸入，並以Zendo及銅線連接，共有5個組合效果，3個Young DSD(1個平衡 + 2個非平衡)，另外2個係Hugo，小弟最終得到3個"一體臨場"及2個"舒服"效果!

有咗業績，就可以評一下呢套STAX系統性價比，系統售價相當於當前一對高階旗艦耳機，例如小弟之前入咗既LCD-3及Edition 5 Unlimited耳機，STAX系统雖然未算係小弟巳聽過最感動組合(去到催人落淚效果)，但肯定係最高淨質量既系統(一方面係STAX本身既性能，另外亦係小弟系統基建質量不斷提升)，而且一次過可以比出3個"一體臨場"效果，相對小弟其他耳機，千煲萬試，先揾到一個"一體臨場"，巳經係值回售價。

5種組合效果，3個"一體臨場"，之前已經評介咗STAX系統配Young DSD平衡連接既"一體臨場" - "自然美麗，內涵無染"，仲有兩個組合效果又有咩異同?! 概括定調係"經典韻律，精密控制"及"浪漫感性，鬆容奔放"。下一章STAX 系統 第四章: 理想預期 vs 耳聽為實就可以完全交待另外兩個STAX系統"一體臨場"組合細節效果!


相關文章:

STAX 系統 第一章: 我是誰?!
STAX 系統 第二章: 初嘗驚喜!
STAX 系統 第三章: 非平衡更譲人驚嘆!
STAX 系統 第四章: 理想預期 vs 耳聽為實
STAX 系統 第五章: 鬆容奔放 vs 精密控制
STAX 系統 第六章: 華麗殿堂 天工藝術
STAX 系統 第七章: 開箱與品聽小結

STAX 系統 第二章: 初嘗驚喜!

第二章講番STAX系统開箱試聽，小弟決定以最高裝備配套規格招呼SRM-007tII + SR-507新系统。係個Lab直接上電池補完，減震木粒，減震鼠及晶石鎮壓住火牛及膽管, 以Young DSD平衡模式輸入，前端USB亦加上JitterBug。如此陣容，究竟小弟套STAX系統表现如何呢?

其實小弟巳偷聽過齌接STAX系统，有"燥熱"感，一陣"鞋"及"矇"味，最高裝備配套盡量可能減少樽頸位，睇下STAX系統盡情發揮可以去到咩程度。不過頭一節試聽就出咗事，原來小弟未睇清楚，就將耳機左右方向反轉咗來戴，唔怪得知聽咗不下百次既飲歌，音像定位咁唔同，仲以為靜電系統真係有咁奇異演繹效果，不過又幾得意好聽!

係最高裝備配套下正式試聽，第一個效果就係"舒服"，一切都好似預期咁斯文淡定。跟住來到第二及第三節，彈性及音樂感開始展現出來，係Young DSD平衡模式下，STAX系統亦可以有咁適度力量爆炸性表現，小弟之前驚STAX系統表現太斯文既"憂慮"，就此一掃而空。踏入第四節，效果就更係使小弟耳前一亮，STAX系統效果變化奇快，竟然使小弟聯想到煲煉LCD-3及Edition 5 Unlimited耳機時既效果! 究竟發生咩事?


一體臨場

小弟食完晚飯, 繼續品聽咗STAX系統接近2個鐘, 終於係出呢段文前十分鐘達到"一體臨場"效果! STAX系統只係開箱一個星期, 行咗大約未夠20個鐘, 就已經去到小弟既"感動"要求 ...... 以而家所得效果，小弟覺得呢套STAX系統SRM-007tll + SR-507係物有所值! 覺得自己英明神武，決擇完全正確，SR-507耳機效果更係喜出望外!

好啦，STAX系統既品聽終於來到戲肉部份，話說小弟聽到第四節，STAX系統就來料，小弟作進一步評論如下: 覺得中低頻既彈性竟然有d似LCD-3，分析力豐富層次感有d似Wonder耳機，但又無前者既暗沉，亦無後者既極端鬆散不穏現象。STAX系統最明顯特色係音節之間既細膩交接做得非常自然舒服，音形線條洽到好處毫無不足或過份造作。到咗第五同第六節，STAX系統音場得到進一步擴展，表現出多層次緃横連貫感，而且有近似HD800果種無邊際既空間，但又無HD800果份冷傲直白!


自然美麗

來到呢個階段，小弟基本上巳經掌握到Stax系統特性，幾乎係集小弟其他旗艦耳機優點(與其咁講，不如話各項效果洽到好處，無獨特偏執特性)，而且感覺係小弟聽過最線性既組合，不過線性又唔代表交行貨，平淡無味(小弟下一節再交待)。再聽咗兩節之後，就更奔放流暢，最終達到小弟既"一體臨場"感動要求，比呢個STAX系統最合適既形容詞就係洽到好處"自然"，内涵無染"美麗"!

係下一章，STAX 系統 第三章: 非平衡更譲人驚嘆! 小弟再報告Stax系統配非平衡模式連接Young DSD及Hugo效果，保證更精彩!


相關文章:

STAX 系統 第一章: 我是誰?!
STAX 系統 第二章: 初嘗驚喜!
STAX 系統 第三章: 非平衡更譲人驚嘆!
STAX 系統 第四章: 理想預期 vs 耳聽為實
STAX 系統 第五章: 鬆容奔放 vs 精密控制
STAX 系統 第六章: 華麗殿堂 天工藝術
STAX 系統 第七章: 開箱與品聽小結

STAX 系統 第一章: 我是誰?!

小弟又入多一套Head-Fi系統，今次係STAX靜電耳擴耳機，唔好問小弟點解，之前話唔玩而家又玩，咁緊係有理由，遲 d先再噴口水解話! 同C兄玩下"靜電耳擴耳機我是誰?!" 究竟小弟選擇咗邊個套裝系統?! 還是自選配套組合?!


STAX 靜電耳擴耳機我是誰?!

選擇題係套裝? 自選組合?

1. 套裝 - STAX SRS-4170 (SR-407 + SRM-006tS)
2. 套裝 - STAX SRS-5100 (SR-L500 + SRM-353X)
3. 自選組合 - 耳擴 + 耳機

A - STAX SRM-006tS
B - STAX SRM-007tII
C - STAX SRM-353X
D - STAX SRM-727II

1 - STAX SR-507
2 - STAX SR-L700
3 - STAX SR-007MK2
4 - STAX SR-009

官方網站: http://www.stax.co.jp/index-E.html

提示: 小弟唔會一味盲目追求貪新鮮唔新唔買，或者唔贵唔買，亦唔會貪平將貨就價! 講咗咁多等於無講，一句講哂，小弟只會選擇最好玩最適合自己既"經典"系統!


自圓其説

講到入手STAX系統，又係小弟自我解話既時候，背景係咁既，話說小弟前兩年想玩桌面系統，都有考慮過STAX系統，即使STAX系統音質效果得到肯定，當時覺得佢太封閉獨立，無咩彈性，所以唔考慮。靜電系統一直係Head-Fi發燒級既一大"經典"支派，唔玩過真係好打極都有限，而家上埋STAX靜電系統，可以講小弟耳界大開。

小弟一路玩咗幾對旗艦級耳機，各有不同特性，最終都可以殊途同歸去到"一體臨場"效果。小弟入埋STAX靜電系統其中一個想法，就係想比對现有系統既效果。STAX系統本身效果會唔會就巳經係"一體臨場"? 電池補完及其他調音配套對STAX系統最終輸出又有幾大影响?

最重要係仲有一樣可配合STAX系統既變化，最近先意識到(係小弟最終入手STAX系統決定性因素，暫時保留小小秘密，遲d玩到再講)，更可能使STAX系統出現"升級"式效果，有多幾度板斧去調整相對封閉靜電系統，可以玩得盡興。


決擇時候

點解小弟既選擇係自選組合B1 = SRM-007tII + SR-507呢?! 首先係耳擴部份，C兄知道小弟迷戀膽管效果，又要玩Tube Rolling變化，所以小弟選以膽管作為輸出既產品型號係理所當然(與期話玩Head-Fi，不如話小弟係真玩膽可能更貼切)。既然選定要膽管產品，就係小弟能力範圍要最好既007tll，相比起006tS售價高出60%，共用四粒6GC7/ 6FQ7以兩組并聯輸出，無容置疑效果明顯係會更勝一籌。

至於耳機方面，經過硏究分析，小弟用咗不同既選擇策略，今次好明顯係考慮埋性價比，進可攻，退可守，等等因素，所以選擇咗小弟認為係上一代最成熟既型號507，而唔接近高出4倍售價既當今旗艦009。


印象回顧

係出品聽報告之前，小弟又做下回顧，STAX系統係小弟印像中，無論係網評或小弟之前自己試聽(不過都係幾分鐘)，感覺都係比較"經典"，規矩斯文果種格調。爬文睇過有評論類似係"係好正，不過無甚驚喜，唔係我杯茶"!

小弟入手STAX系統之前其實有類似"憂慮"，由於系統封閉，缺少可調音環節，效果會唔會缺乏動態音樂感?! (咁當然係相對小弟既主觀耳感來講)，隨住時間及小弟Head-Fi系統擴展，與期繼續入手旗艦動圈動鐵或平板大耳牛，STAX靜電系統經典自成一家，就值得一玩，特别係當小弟知道可以自行轉換輸出膽管(由於高壓工作，用家自行換膽及調節平衡DC偏壓係有一定風險)，係入手STAX系統既決定性因素。

小弟有聽過一陣353X配L-500及006t配507，但未聽過L-700，007同009。由於試聽只係十零分鐘，所以入手STAX系統前，只有一個"斯文淡定"既整體"舒服"印象。入手之後係自已環境聽咗幾星期，效果係同店鋪聽既要滿意得太多，空間及音樂感，人聲韻味完全係兩回事(應該同加咗私人裝備配件及調音有關)。

小弟入507係比較保險選擇，不過事實係呢隻咁"膠感"既耳機，係小弟環境巳經可以去到咁既效果(係開箱文再報告，小弟準備玩埋換6CG7膽，及換訊號線進一步調味)，暫時比唔出理由，出多幾倍價再上007或009，當然係個别技術性能表現，及個人要求不同，不能一概而論，所以有機會小弟都想聽下配007及009既效果。


熱切期待

STAX系統開箱之後，小弟以最高配置規格(小弟玩嘢又點會咁簡單，戲肉仲係後頭)品聽番一先再交代聽感。C兄唔使疑惑，初聽效果係非常理想，問題係，同小弟現有既WA22膽管組合下既"一體臨場"效果比較，去到咩級別程度?! 又有咩獨特之處?! 會唔會一開聲，就已經係小弟追求緊既"一體臨場"效果?! 密切留意STAX 系統 第二章: 初嘗驚喜! 不容錯過!

相關文章:

STAX 系統 第一章: 我是誰?!
STAX 系統 第二章: 初嘗驚喜!
STAX 系統 第三章: 非平衡更譲人驚嘆!
STAX 系統 第四章: 理想預期 vs 耳聽為實
STAX 系統 第五章: 鬆容奔放 vs 精密控制
STAX 系統 第六章: 華麗殿堂 天工藝術
STAX 系統 第七章: 開箱與品聽小結

Woo Audio WEE 第一章: 厲害了! 我的組合!

2018年係小弟既遷移年，要搞Project Move，又要玩"一個私Blog的誕生"遊戲，真係好唔得閒! 雖然係咁，其實小弟都有嘢想係2018年入手，又係Woo Audio，對大部份C兄來講，應該從來未聽過Woo Audio WEE呢隻比較冷門產品。

C兄用些少時間了解咗WEE既功能之後，就知對於同時擁有WA5及STAX系統既小弟來講，WEE係有特殊意義! WEE可以將一個3W或以上喇叭輸出轉換，再推動STAX靜電耳機，請C兄參考有關技術指標。

可以想像到小弟準備點樣玩法，"厲害了! 我的國!"，應該係"厲害了! 我的組合!"，就係將WA5既喇叭輸出(最大輸出功率大約8W)，接上WEE推動STAX SR-507耳機! (已得到Woo Audio官方確定可行)。

厲害之處不在於絕對既音質表現，WEE只係一個輸出轉換器，WA5 + WEE + SR-507得到既絶對音質，唔見得會比小弟現有STAX SRM-007tll + SR-507系統優勝! 不過咁又如何?! 而家唔係儀器或小弟品評聽失真，只要唔係離哂譜"明顯"不能入耳，如果係咁，WEE一早就應該出唔到世，不可能成為一件市場產品! 事實上，以小弟係網上察覺到既口碑，WEE既效果係非常正面!

既然厲害之處不在於絕對既音質，厲害之處當然就係可玩性方面! 現實既情節係，相對於原裝STAX系統得一種風格，小弟係WA5玩Tube Rolling有一百幾十個組合，而家可以移植到靜電耳機上作全新輸出，表示小弟又多聽咗好多唔同組合表現，深信其中一定揾到可以感動小弟既"一體臨場"效果! 小弟d口水及品評文章一定滿瀉呢個私Blog，"厲害了! 我的Blog!"


相關文章

Woo Audio WEE 第一章: 厲害了! 我的組合!
Woo Audio WEE 第二章: 正式入手!
Woo Audio WEE 第三章: 安心到貨

Woo Audio WA33 感想

小弟一直都係Woo產品用家，由WA6SE上WA22，玩到而家既WA5，Woo出新產品自然吸引小弟眼球! 最近係Woo Audio見到非常醒目新旗艦全平衡膽機，WA33及其豪裝版!

有趣既係，之前吹得火熱既WA22 SE(Special Edition)無咗影，反而打出個新名號WA33，仲名正言順定位係新旗艦，特點係配對4+4膽全平衡系統，用2A3作輸出，仲有電源隔離設計! 就咁睇個勢，完全可以讓人產生唔少期待效果! 小弟覺得，WA33係會有類似STAX系統既"超線性"效果，及非常突出"悅耳性"品聽感受。

其實Woo出WA33及咁既市場定位係非常合理! 首先市場上的確係有唔少喜愛全平衡系統用家，甚至係"無平衡不歡，無平衡不買"! 小弟無意係呢度挑起單端/平衡之間口水戰，各取所需就好! 其次係當今Woo高檔系列WA5及WA234都係單端設計，全平衡既WA33及佢既豪裝版(WA33定價近似小弟既精改版WA5+++，WA33豪裝版就係WA234價位)，似乎就係衝着要為産品系列完全配套，滿足市場各種需求!


WA33 vs WA234 及 WA5

再來以主觀吹水品評一吓WA33, WA234及WA5佢地之間分別及取向，小弟個人既選擇主因就係300B，因為從一開始，小弟就係衝住要聽西電WE300B而來，聽唔到WE300B，就唔會再上更高階系統，所以WA33係呢方面已經唔係小弟選擇之列上!

可能係大部份C兄入手WA33既主因平衡設計，WA234及WA5係單端系統上既分别，就反而唔係小弟既主要取捨要素! 以小弟聽過有限既單端系統WA6SE，WA5及平衡系統WA22及STAX SRM-007tII既感覺，係各有特色! 簡單既講法，係感染力方面，小弟喜歡單端既實在能量感，係悅耳性方面，小弟喜歡平衡既超線性性能!

係可玩性方面，應該係當今旗艦WA234無敵，同一系統可以配300B，45或2A3功率膽作輸出! 膽管配對及個數需求方面，WA234及WA5只需2訊號管+2功率管配對，WA33係4+4配對! 雖然個別膽管價值未必係高，但WA33對膽管技術性匹配就更有要求，要玩Tube Rolling難度就要高一籌!

整流膽方面，WA33只需一粒，睇落係易玩換膽效果，WA234(1+1獨立聲道)及WA5要2粒。其實WA5可以用唔同兩粒整流膽并接(小弟確定自己隻WA5第二版，兩粒整流膽燈絲供電，唔係初版咁簡單直接串連，已用上中間0V抽頭，而且輸出并接，基本上兩膽係獨立運作)，組合效果變化會更多，不過小弟未試，遲d試完再報告有幾大分別!

最後WA234既獨立聲道設計提供咗最佳既分隔防干擾效果，WA5功放及電源部件之間既外接電源線，係WA5既另一獨特設計，相對於WA33既internal coupling architecture (ICA)，小弟覺得係各有千秋，ICA可能可以比到更好既淨質量，不過WA5既外置式接線(由其是有番咁上下長度，再打個蛇餅，小弟反而覺得似乎有一種，與外界既交融, "無意識"既"自然開放"獨特氣氛，背景雜訊?!)，就方便換線，可以玩到更多效果!

論到外表賣相，WA234既超重量級獨立聲道安排(1+1獨立聲道共120磅!)，確實有王者風範既穩定性! 不過WA5係小弟眼中，都要將WA234及WA33都比下去! 係所有Woo産品，甚至係小弟見過所有其他産品，WA5係最有經典台型者! 小弟就係一見鍾情啦!

如果時光可以倒流，小弟而家可以重新再決定，只能選一款，小弟會唔會選擇WA33?! 非常明顯，WA5(WA234係夢想)仍然會係小弟既不二之選! 各位聰明又關心小弟吹水文既C兄，一定知道小弟決擇背後既理念及原因! 小弟就唔再反覆重述啦!


相關文章

Woo Audio 3ES 感想

語文翻譯

來一個有趣分享輕鬆吓，小弟係私Blog加咗個翻譯功能，可以即時將內容轉換成另一個語文。下面係"Content is King"既一個英文同日文版翻譯内容，各位C兄睇唔睇得明?!

我估英文人同日文人睇完會估到大意，不過就唔會體會到原來既神韻，小弟自已睇翻就覺得好搞笑，睇來要再加強人工智能學習! 

繁體中文原文:

Project Move 第五章: 電源接地

話說小弟一直想玩隔離變壓器，又想用佢搞吓再生電源，試吓音響效果分别。拜讀過有關隔離變壓器應用及安全考慮，出乎意料，隔離變壓器係連接多件用電器具系統上出現安全隱患機會可能更高，身體有多過一點接觸電器亦可能觸電，而且仲無咗漏電斷路保障，人身安全就更危險!

最終結論係，隔離變壓器只用係後級系統(音源及DAC方面, 小弟已經行緊電池供電)。安全第一最緊要，玩唔玩隔離變壓器，良好接地都係不能少。心水清C兄見到呢卷黄綠間色電線，就知佢有特殊用途，無錯，準備用係新場，將鋼架每個間隔都接地。

相關文章

Project Move 第一章: 螞蟻搬屋
Project Move 第二章: 性價品味
Project Move 第三章: 壯觀陣容
Project Move 第四章: 先利其器
Project Move 第五章: 電源接地
Project Move 第六章: 逞心佈局
Project Move 第七章: 從無到有
Project Move 第八章: 安全第一

Project Move 第四章: 先利其器

雖然小弟屋企已有一把鋁梯，不過得4級，係office用就唔夠高，由其是要清理天花上既冷氣出入風口隔網，換燈膽，及將來搬器材上落鋼架，呢個6級鋁梯就好合適，睇落亦唔阻地方，有埋歐洲安全標準，不可決少工具。

係正式搬Head-Fi家當遷入新場之前有好多準備及清理工作要做，小弟親自一手一腳，再加埋呢個手提電池電鑽，鑽孔搞吓小裝修都無問題! 2018年成個3月同4月，最少都要執番一頭半個月，然後先可以正式入手鋼架擺位。不過一想到有自己既office玩嘢，一切都係值得既!

相關文章

Project Move 第一章: 螞蟻搬屋
Project Move 第二章: 性價品味
Project Move 第三章: 壯觀陣容
Project Move 第四章: 先利其器
Project Move 第五章: 電源接地
Project Move 第六章: 逞心佈局
Project Move 第七章: 從無到有
Project Move 第八章: 安全第一

Content is King

話說小弟開始係Post76論壇發積，跟住又去咗蕃鬼佬head-fi.org打咗一個白鴿轉，最後覺得係公共論壇寫章回文及系統性既品聽唔係好方便，除咗搬入玩嘢私場，文章方面就決定以"經典試聽大計!"私Blog為最終歸宿，無論係技術上既文章管理或題材內容上既自由度都比較理想自主。

C兄或者會問，點解唔用當紅Facebook作平台? 小弟覺得佢太浮誇，對玩King of Like又無咩興趣，Blogger就比較含蓄，以內容獨特Content is King取勝，完全切合小弟既風格。小弟會繼續係公共論壇吹水，不過章回及品評詳文就只會係私Blog發佈比鍾意爬文C兄參考。

My Store

This page lists all my collected items available for sale, they are tested and in good condition. More information can be obtained under the links. 

Please write to me (the contact form on the right sidebar) if you are interested in any item.

Vacuum Tubes (privately owned)

< under construction >

Project Move 第三章: 壯觀陣容

小弟做咗個office floor plan睇咗成個星期，經過幾番考量，決定分兩個階段，如圖裝備兩組鋼架。兩組鋼架總共有8(5+3)個間隔，每個間隔大約有2.7呎濶，係以實際使用上便利同觀感以7字形佈局，中間放一組大枱同櫈，咁就可以同時睇到同接觸到兩組鋼架。

係實際安裝上，小弟會先上第一組5個架(其實只入3個獨立架，不過佢地合組之後，將多出既2個侧架再硑接上去就可以有5個間隔)。小弟準備1個間隔放電池補完同其他同供電有關裝備，另1個放小弟d耳機(10隻8隻排起都用咗成個架)，再來2個放WA5，WA22，WA6SE同STAX系統，最後1個間隔就係音源，DAC，MacBook及其他前級裝備。至於另一組3個間隔(2個獨立架拼合)，其中1個係作為小弟既工作枱，另外2個係擴充備用。

擺好之後，一入門口就見到正面同側面一字排開鋼架陣容，非常壯觀有氣勢!

相關文章

Project Move 第一章: 螞蟻搬屋
Project Move 第二章: 性價品味
Project Move 第三章: 壯觀陣容
Project Move 第四章: 先利其器
Project Move 第五章: 電源接地
Project Move 第六章: 逞心佈局
Project Move 第七章: 從無到有
Project Move 第八章: 安全第一

Project Move 第二章: 性價品味

小弟將Head-Fi家當搬入新場，重點中既重點就係要揾合適既收納架。所謂既合適係以堅固實用，以合理性價比為主，其次就係品味同設計。小弟無意重金入手專用防震架，寧願之後自己再DIY搞減震。

小弟睇中咗呢款橡木不鏽鋼架，唔係pro嘢亦唔係cheap嘢，設計簡約美觀，亦夠承托力，完全符合哂小弟理性及感性要求。準備先入手一個試吓，如果效果好，就會大手入多幾個唔同大小款式，作為新場主體間隔佈局。

相關文章

Project Move 第一章: 螞蟻搬屋
Project Move 第二章: 性價品味
Project Move 第三章: 壯觀陣容
Project Move 第四章: 先利其器
Project Move 第五章: 電源接地
Project Move 第六章: 逞心佈局
Project Move 第七章: 從無到有
Project Move 第八章: 安全第一

Project Move 第一章: 螞蟻搬屋

踏入2018年，小弟既玩嘢生涯更上層樓，可以話係小弟人生幾十年努力後既收成期，唔係大出血買機買膽，係脱離唔係好見得人既sofa㡳藏電格局，系統將搬入私窩，完全屬於自己既玩嘢天地! 新年頭祝各位C兄荷包腫脹，水頭充足，繼續血拼! 好消息陸續有來!

今日2018年2月23日，小弟終收返個奈米office，實用得果260平方尺，感覺好似個大㕔咁。小弟準備留作私用，所有家當Head-fi系統包括WA5，WA22，WA6SE，STAX，電池補完全部都會搬哂入去。雖然搬遷係大project，但小弟已完全掌控局勢，唔使急又唔使要快，無壓力慢慢螞蟻搬家執正佢。

呢個場小弟會做個人Lab，以後經典試聽大計就可以係完全屬於自己既私人空間中進行，點玩都得! 點可以唔興奮! 其實自小弟幾年前中毒上癮以來，真係投入咗唔少财力同心力，心裏面亦一直有一個理念，"沒有最好的組合，沒有絶對的音質，只有感動的音韻"。所以小弟係有生之年，希望盡量聽多d唔同組合，發現更多可以感動小弟既"一體臨場"效果。

講返個場，除咗小弟個人私玩"獨樂"，其實同時希望可以亦係"同樂"既地方。小弟有繁務正業在身，星期六日先可能入場開壇玩嘢，過多幾個月，小弟擺好d嘢，到時歡迎C兄揾上門，同小弟吹水交流。如果C兄帶埋家當上門，咁就可以試吓同小弟既系統夾一夾，一齊聽吓新火花，比小弟開下耳界。特别係可以試吓用小弟膽後級推C兄耳機，或者C兄有自己音源/ DAC可以試feed小弟膽後級，甚至係試推下小弟隻AKG K-1000耳機睇吓出咩效果。試玩其他線材及調音配件亦歡迎，總之大家盡量聽多d組合，欣賞更多唔同效果。

相關文章

Project Move 第一章: 螞蟻搬屋
Project Move 第二章: 性價品味
Project Move 第三章: 壯觀陣容
Project Move 第四章: 先利其器
Project Move 第五章: 電源接地
Project Move 第六章: 逞心佈局
Project Move 第七章: 從無到有
Project Move 第八章: 安全第一

經典試聽大計!

小弟起咗呢個"經典試聽大計!"私Blog，目的係記錄一切有關實行系統性試聽品評過程及感想結論。不過，咁只係形式及表面操作，真正可以使呢個"經典試聽大計!"私Blog變得有生命，就係係背後既一份意念同執著。

呢份意念同執著係咩?! 對小弟來講，就係對"一體臨場"感動效果既體驗及追求，係呢個私Blog既精神所在及發展動力既來源! 所以一切既開始，就係"一體臨場"，再有"經典試聽"，然後可能生成"經典試聽大計!"私Blog! 

係實際發展上，除咗有關小弟最新行動資訊，亦準備將以往小弟係公開論壇發表咗，比較鬆散既意念及感想，再次整理組織，建立系統組合評審表記錄品評及感想，亦會設立一個膽管資料庫。小弟亦為私Blog加翻些少裝飾搞吓氣氛，係一種簡淨，暖和，柔順又富力量感既味道，正好反影出小弟對音韻既取向及品味! 絶對值得C兄期待，係有血有肉既"經典試聽大計!"私Blog!