前文
示波器 第一章: 不惑慾望，小弟認為當前係適當時機，達成幾十年來既心願，準備入手一台示波器。呢一章先介紹小弟如何選擇適合既産品，人最怕就係心大心細，唔知自己想點要d咩嘢，好彩小弟既其中一個強項，就係設定實際目標。
下列係小弟對選購示波器既基本要求:
1. 定位係入門基礎級别
2. 主要應用係音頻範圍
3. 可滿足未來五年需要
4. 名牌大厰，市場主流
5. 較高品質，支援保養
6. 高性價比
雖然對示波器功能有認識，但係實際既技術性指標及深入操作方面，小弟自問係新手，所以第一時間就係上網爬文揾料，睇過網絡上
相關文章，鎖定呢個
Tektronix品牌示波器，其中既入門級系列
TBS2000及
TBS1000B，前者係2016年推出既最新高階系列，後者係成熟既市場主流産品，佢哋都內建幾十項測驗功能，廠商提供5年保養，韌體更新及強大教學支援。
唔好以為小弟係新手就只會一味崇拜名牌大廠，偷懶無用腦獨立思考! 做過大量比較，同時考慮過市場上其他主流品牌。小弟無意用筆墨深入探討，
一句話概括小弟既想法及要求，就係全面綜合性既考量!
對產品既感想係，消耗高達80W功率，運作隨時可以數小時以上既示波器，係精密敏感測量儀器，選擇不使用內建降溫風扇既部局，
細微之處，就能體現整體工程設計既成熟，亦係對自身産品信心既表現!
係考慮實際型號方面，小弟選擇咗有兩個模擬輸入頻道既基礎版，並做咗個評審表。評審表頂部係TBS2000系列既兩個最新產品，其餘係下面既係屬於TBS1000B系列，並以頻寬(Bandwidth)為主要決定性技術指標，其他可能影響決擇既指標就唔詳評住啦，
官方提供咗一段好詳盡既示波器選擇指引視像，好值得參考!
審評表中列出以紅色標示最終選擇型號，作為基準對比型號係以藍色標示，兩項參數分別係，單價$/unit及單價頻寬MHz/$對比值，聰明既C兄唔難理解小弟決擇。
小弟想補充一點，如果只睇單價頻寬參數，最高性價比係表中最底下既型號，頻寬逹到200MHz，係基準對比型號頻寬50MHz既四倍，單價比接近三倍半。要注意既係，以50MHz頻寛(-3dB)為例，官方提供既資料，為咗減低控制波幅失真率，被測輸入訊號頻率係10MHz，頻寬20%或以下比較理想。
由於小弟一開始就確定咗示波器主要既應用，都係講緊100KHz以下音頻範圍，就算要睇埋多級次諧波，10MHz有效頻寬都係大幅超額，更高既頻寬要求，其實巳無實際需要，只會淪為昂貴(多出二倍以上售價)無用武之地既技術性能。
有趣地方出現啦，基準對比型號其實係小弟既最初選擇，但係小弟最終決定購入一台更高階既Tektronix TBS2102，單價高出二倍以上既100MHz頻寛示波器，單價頻寬MHz/$亦比較低，似乎係自相矛盾?! 雖然慾望需求係出於感性，但係決擇就係理性既!
魔鬼係細節中，對於小弟既應用來講，更長既20M(相對於2.5K)記錄長度，9吋顯示器可以睇到更多內容，平移和縮放，搜索及標記功能(將由韌體更新提供)，更係其中決定性因素!
小弟曾經想先入一台基準型號示波器作為學習，待上手更了解示波器性能及應用需求，再入一台較高階既型號。但好快打消咗呢個念頭，一方面係，係進一步收整資料後，小弟已經對自己既需要更明確。
另一方面，基準型號系列巳問世5年以上，設計亦係比較保守，較適合教學用途。小弟自知係一個Quick Learner，知道基準型號示波器好快不能滿足小弟，到時再入另一台高階型號，舊示波器就成為浪費擺設品。所以選擇新系列示波器係更符合小弟未來5年應用既需要。
利益申報:
小弟無意吹虛個別產品，分享純粹係係個人特殊環境，器材，偏好趣向，高低優劣，仍小弟主觀及忠於自己有限知識下，既個人體驗感受舒發，並不涉及政治，文化同任何經濟利益。小弟言論只能作為參考，一切應該以各位C兄自主決定!
C兄請繼續參考
示波器 第三章: 終極入手，小弟去迎接期待咗幾十年既終極玩具 - 示波器，終於到手啦! 極速開箱及第一印象!
相關文章
示波器 第一章: 不惑慾望
示波器 第二章: 理性選擇
示波器 第三章: 終極入手
示波器 第四章: 學玩玩學
示波器 第五章: 精妙探索
