示波器 第五章: 精妙探索

前文示波器 第四章: 學玩玩學，講咗示波器一般應用。來到呢一章，小弟會展述對示波器既獨特期望。首先，小弟多咗部示波器幫手，當然可以更容易做除錯探測工作，甚至係量度失真及偵察不尋常訊號。

話明係示波器，最直接當然就係用佢"睇波"，與其話用示波器除錯，偵察不尋常失真訊號，不如話小弟係以"睇波"，作為科學化探索，進入一個全新精妙領域既媒介!

小弟既講法突然High咗幾個檔次，有冇講大咗嚇襯C兄?! 具體例子，C兄可以想像小弟利用示波器，審視記錄Head-Fi系統音頻輸出，比較不同膽管對音頻輸出影響産生既差異，再分析歸納出不同膽管既相對獨特"個性"?!

再進一步抽象化，通過不同膽管既轉換，審視記錄達到"一體臨場"感動效果時既Head-Fi系統音頻輸出，再分析歸納出各輸出共同特性! 另一方面，通過轉換不同耳機，同樣可以審視記錄，分析歸納出達到"一體臨場"時既共同特性!

呢d共同特性有咩意義?! 當然就係對"一體臨場"感動效果，以至到"系統"係"一體臨場"時，各元件既"個性"組合，其中包括咗膽管及耳機，既進一步了解! 其實小弟既經典試聽大計，巳經進行緊同樣既進程，有咗示波器之後，就變成係科學化既精妙探索!

係"系統"中最有趣，最重要既元件，唔係膽管，亦唔係耳機，而係作為最終受體既小弟自身! C兄唔難想像，其實所有歸納出來既共同特性，都指示緊作為最終受體小弟自身既獨一無二"個性"。係"一體臨場"時，呢d"共同特性"就係小弟"個性"既對應反射!

所以係理論上，只要係任何音頻訊號中發現與小弟"個性"對應既"共同特性"，就可以推斷，訊號可能與小弟達到"一體臨場"共嗚! 再推而廣之，成為一個通用方法時，可適用係其他任何人身上! 大前题係該人能夠自我意識到一個類似小弟既"一體臨場"感動效果!

小弟用火星文吹到C兄滿天星，而家改返地球channel，繼續吹!

好明顯，小弟希望用示波器"睇波"，將概念化為具體，將"一體臨場"感動效果化為數據，及至建立普及既模型，造福全人類! 呢個咁偉大構想既落實，本身就係極具挑戰性既探索歷程，未知結果! 無論如何，小弟都係幸運兒，因為個結果唔係一切，過程係小弟更珍惜同享受既部份!

未完 .....


相關文章

示波器 第一章: 不惑慾望
示波器 第二章: 理性選擇
示波器 第三章: 終極入手
示波器 第四章: 學玩玩學
示波器 第五章: 精妙探索