前文電! 磁! 靈! 第二章: 利器入手，小弟提到入咗4件儀器及1對銅質靈感棒，今日集齊哂。話哂算係同電磁有關既敏感測量器材，小弟特別揾個鐵質箱保護收藏好佢地。唔知就咁睇落，好似成套"捉鬼隊"裝備，感覺有d搞笑!
小弟收咗貨好快咁遂件試玩，特别係測量電磁場及射頻方面，係小弟經常出入作息既地方，包括屋企及辦公室四圍量度。結果係好意外同驚訝! 有d地方小弟唔測係估唔到可能有電磁輻射污染，亦無想過可能有咁高既强度!
小弟綜合初步測量結果，簡單既結論比C兄參考。首先，真係要同所有電器保持足夠距離，由其係有"摩打"既電器，例如電風扇。
係AC供電源線，拖板，插頭及牆身上既電源開關附近，測量值亦係意外咁高! 係睡房床位或長時間作息位置，佈局盡量要避免AC供電源有迴路係附近!
特別注意巳連接火線(Live)既電源線，即使未係電器接線關閉形成迴路電流，本身對地就巳經有交流AC高壓電位差，好似天線不停發出電磁波!
經常提醒要完全熄電器電源，唔好行待命模式，固然係可以省電，但係要真正減少電源導線産生電磁汚染既方法，係盡量縮短巳連接火線導線! 唔用電時，最好係拔出牆身插頭，或熄咗插頭上既獨立開關，使整段連接電器電源線，完全與電源火線隔離!
另外係窗口，特别係金屬窗框位置，經常有比較高既射頻强度，如果係窗口附近長期作息，亦係要小心注意!
好啦! 小弟呢章講住咁多先，遲d深入玩再報告，AC電源線電流受到電磁干擾雜訊情況，如何影響Head-Fi系統輸出音質? 用靈感棒會唔會揾到d"超自然"能量體?! 其實小弟最想係揾到金?!
電! 磁! 靈! 第一章: 電磁感應
電! 磁! 靈! 第二章: 利器入手
電! 磁! 靈! 第三章: 驚訝初試
沒有留言:
發佈留言