其實小弟入手試聽Cobalt之前，係做過一輪功課既，成功唔係偶然的，唔好相信幸運！如果就咁入手Cobalt，就咁插落去小弟部手機USB插口，期待即刻聽到嘢，就會馬上跌入第一個樽頸難關！
就小弟部手機來講，本身就係以3.5作音頻輸出，並無USB音頻輸出既驅動系統，如果要外置USB DAC發揮作用，手機內一定要先安裝相對應既驅動系統。爬文之後，原來Cobalt本身已經有一個最佳拍擋，USB Audio Player Pro(UAPP)，一款安裝係手機上既多功能播放軟件，最重要既係，佢配有完全獨立既USB音頻驅動子系統。
UAPP既詳細性能，就唔係呢度講啦。係未入手Cobalt之前，小弟裝咗試用版，先作兼容測試。玩咗一個鐘，優化咗系統及程式設定之後，就行得暢順，唔再出現播放斷斷續續問題，呢個係第二個要通過既困難樽頸！
係未有Cobalt既情況下，UAPP其實只能視作一個一般播放器，因為佢背後仍然用緊手機內既預載驅動系統，音頻繼續係3.5輸出。不過，小弟好快就比咗錢，裝番個Pro正版！唔係因為小弟銀両多 ......
UAPP用戶界面唔比手機預載原廠既播放器好用，亦需要人手作系統及程式優化，但係一旦安頓好之後，就會發現佢既品聽效果要更勝一籌。細緻度連續性，體現出更好既立體感及音樂感！如果要用一個硬指標概括，10％左右啦，唔算得係驚喜大進步，但係可以輕易聽得出分別！就算唔係因為要玩Cobalt，UAPP作為獨立播放器使用，唔使$100(HKD) 既代價，都已經係物有所值！
UAPP準備好之後，小弟就進行下一步試聽外置USB DAC，呢個係第三個要突破既樽頸位！小弟既結果係美好的，最後CoTak846新系統總算誕生咗！至於CoTak846品聽效果屬於小弟標準邊個級別？佢同原來手機3.5直接輸出既異同？後面品聽文中會再交待。
沒有留言:
發佈留言