如果小弟話係一時衝動選擇咗Cobalt，有追開小弟長文C兄，一定唔會相信，因為小弟係既感性又理性，邏輯性強，有理有據，情理之間剛剛好平衡。事實上，除咗之前先係手機裝好UAPP之外，小弟亦做咗一個基本比較當前市場上幾款類似產品，選擇Cobalt係經過考量各種資訊及個人需要之後既結果，試聽只係入手前要得到既確定。
首先既首先，係要清楚了解自己既需要！小弟想要既係最好音質既輕便系統(除咗部手機之外，唔使加其他磚頭及外置電源等等)。最簡約組合TAKUMI II及SE846用手機3.5直出既效果，小弟巳經非常滿意，尤其是用埋UAPP播放器，真係無咩好講啦，“一體臨場”終極體驗，就只差臨門一腳！
但係，作為一個全面性既系統，其實係仲差咗一樣嘢！就係一個獨立優質既流動式DAC/Pre-AMP訊源！如果小弟要品聽新耳機或另外AMP系統，呢個獨立流動訊源就好方便，而且只係需要一部手機就推得出！
好啦，話又轉番過來，睇睇d候選佳麗，交易索價大約由$500至$3,000不等，呢個“筆直”唔係問題，最緊要符合要求！就外相來講，大致分為兩大類，線條型及手指型。小弟比較喜歡線條形，身栽窈窕，仲係一體式直出USB C接手機。至於Cobalt，就係屬於手指形，要另加A去C既USB轉接線，身形體重相對來講，亦大咗幾個馬位，係輕便性方面，有先天不足！所以Cobalt其實一開始，唔係好似傳聞選姐姐咁，“內定選中”的！
小弟最終選咗兩個產品做試聽，分別係線條型既Zorloo Ztella USB-C to 3.5mm DAC，及手指形既Cobalt。小弟點解只選呢兩款？佢地既效果係點？最終又如何選中Cobalt？
Ztella初感
呢一章，先講一講Ztella USB-DAC，係當前一個好有代表性產品，詳細規格小弟就唔花篇幅講啦。小弟第一部試聽既就係Ztella，當佢插上手機，被UAPP認到既時候，就渡過咗另一個技術性樽頸，之後再試Cobalt應該都唔會有大問題。
Ztella既聽感如何？小弟試聽咗大約10分鐘，長話短說，最明顯效果係豐滿度及彈性感既提升，尤其中低音效果係好讓人放鬆，感覺耐聽。音色熱暖，整體體驗唔可以話係直白自然，但又不致於係精染，最好形容係有性格！以小弟既標準，效果係“欣賞”級別。
雖然同手機3.5推及Cobalt既效果有明顯“性格”上既分別，小弟唔想對Ztella有太多判斷，話哂品聽時間短，亦只係配TAKUMI II及SE846既一個組合效果。考慮到佢既輕便性，配上合適耳機及線材(小弟會選鍍銀線及高清耳機配佢)，索價大約$600，Ztella不失係一個用家日常流動品聽輕便之選。
沒有留言:
發佈留言