Cobalt用咗幾日，小弟比些少使用感想。Cobalt係USB A形身栽，加埋原廠USB A-C轉換線，佢本身又係金屬外殼加咗一層厚身保護漆，再接埋個3.5L及2.5線頭，成件嘢係有一定體積及重量。
小弟係實際日常使用時，基本上都要以座枱方式，將佢緊貼部手機。如果要“熱接”提握整個CoTak846系統及手機，會出現“條條fing”現像，非常唔方便！同時由於下墜重量及可能出現左右擺動，USB C連接係好容易移位，甚至係鬆脫，使用上的確係一個負擔！不過，點都好過攞多一舊磚頭。
小弟用咗一個3.5L頭，單手提握CoTak846及手機時剛剛好可以拘係母指同食指之間，唔會搖來搖去。作為一個短時間既動態移動需要，都可以算係一個捷充方案。
係收納方面，小弟唔想每次都要裝裝拆拆，所以用一個防水保護性強既硬膠盒，一次過將成件CoTak846打蛇餅放入去，代價係要帶多一個好似磚頭既收納盒！小弟唔會就咁放褲袋或用軟質袋收納，係安全第一既情況下，都係無得選擇！小弟將佢掛係腰間，唔算太大，都可以接受。
最後想講一講用電量，Cobalt既耗電量控制的確唔錯，實際連續使用兩個鐘後，機身都只係微暖，跟據手機標示，大約用咗16％電量，係相當理想。手機充滿一次電，夠小弟用足一日，加多四個鐘既CoTak846品聽，都無問題！(注意：小弟手機係華為Mate 20X，電量有5,000mAh，出咗名係尿袋型手機)
沒有留言:
發佈留言