話說小弟係大半年既時間裏面，先後入手Shure SE846及Sony IER-Z1R耳機，AudioQuest DragonFly Cobalt及iBasso DX220 Max(鋼磚) DAC及耳擴，線材方面就有TAKUMI II及Gold 32，至於播放器就係用UAPP軟件，安裝係華為Mate 20X手機。
係時候從一個整體性既高度，對小弟流動組合做個反思同小結！小弟做咗個表，列出流動系統各個組合品聽效果，再附上小弟自己既整體評分(10滿分)方便參考：
| 耳機 |
訊源 |
線材 |
品聽效果 |
評分* |
| |
| Z1R |
鋼磚 |
? |
? |
? |
| Cobalt |
原廠線 |
鮮活感性^ |
8.5 |
|
Gold 32 |
瘦骨空遠 |
4.0 |
|
TAKUMI II |
肥厚沉鈍 |
4.0 |
| 手機 |
原廠線 |
撻成一塊 |
3.0 |
| |
| SE846 |
鋼磚 |
? |
? |
? |
| Cobalt |
Gold 32 |
典堂貴麗^ |
7.0 |
|
TAKUMI II |
玲瓏浮突 |
6.0 |
| 手機 |
原廠線 |
直白無奇_ |
5.0 |
各司其職
首先，小弟覺得自己系統中既各個部件，都係有佢地既獨特性，係不能完全被另一個部件代替！Cobalt，好明顯，就係小弟流動系統核心中既核心，同佢既相遇，使小弟有懷疑人生既感覺，即係相逢恨晚！
跟住係耳機，雖然Z1R係各方面既性能更要優於SE846，咁唔代表小弟會特別冷落SE846，甚至將佢出賣。原因有二，其一，係SE846配上TAKUMI II，特別係Gold 32，有佢地既獨特音色，作為流動品聽完全無投訴。其二，係SE846易推易夾，Z1R相對要求音源更大推力及匹配適應。一個友善easy，一個性格demand，正好可以從唔同層面去品評音源質量及特性！
講完訊源同耳機，又講吓線材。小弟最想講既係Gold 32，佢既音色非常獨特，相信同佢有一種比較延時既“殘響”干涉有關。配上SE846及調音之後，效果相當唔錯！可惜Z1R無類似既可調音設計，同Gold 32配搭未如理想！至於TAKUMI II，同SE846相當匹配，作為一個均衡品聽組合完全勝任！
本文列表既訊息量係相當豐富，提供各主要部件包括Cobalt，Z1R，SE846，Gold 32及TAKUMI II另文評述既連結方便詳閱。小弟比出既列表，亦唔淨係方便C兄參考咁簡單，緊係有好嘢介紹！想特別講一講其中三個組合佢地既效果及評分。
一體臨場
首先，先講一段小弟既終極要求“一體臨場”。有追睇開小弟口水文既C兄就知道，去到“一體臨場”，其實係一種包括咗品聽者自身作為“超系統”內一個元件既“超平衡”。對小弟來講，“一體臨場”之間都係“等價”關係，已經唔會再分高低優劣，佢地都係一樣咁正，一樣感動小弟進入忘我一體境界！所不同者係體驗品味，即係鍾意食水果，蘋果同橙唔同口味，但係都一樣咁鍾意！
“一體臨場”其實就係小弟對品聽效果既一個整體性意像體驗，雖然有一定音質及三頻均衡要求，但唔係對“絕對”音質既追求。簡單講，單純一粒音色或者局部技術性能既極至表現，並唔會有好大影響小弟對“一體臨場”既評價。
小弟流動組合當中，有兩個“一體臨場”效果，一個係Z1R配原廠線既“鮮活感性”，另一個係SE846配Gold 32既“典堂貴麗”。既然話“一體臨場”巳經無優劣之分，個表點解仲要比評分？前者8.5分，後者7.0分，有明顯優劣對比！
小弟要再重新，“一體臨場”係涵蓋咗小弟主觀品味及一定音質要求兩方面因素既綜合評價，係一個以小弟為中心既主觀意像體驗！如果小弟一味只係講“一體臨場”感受，就會變成自說自話，客觀性既參考價值就會大減！
列表中既評分，係側重音質及技術性方面既評價。咁當然，其中亦受到小弟既主觀取向影響，但相對來講，如果“一體臨場”係相對主觀，咁評分就係相對客觀，亦比較有對比性參考價值！
評分準則
係呢一章，小弟會介紹一吓評分標準，及幾個組合既對照。評分以10滿分，以5分為合格。即係話5分或以上，都會係達到基本既音質及技術性要求，唔少得三頻平衡，整體表現自然，聽得入耳！
除咗兩個“一體臨場”效果之外，小弟要先講一講最基礎既一個組合，係邊一個？聰明既C兄可能巳經知道，就係SE846配原廠線用手機3.5直推既效果“直白無奇”(基底組合)，評分係5.0，可以話就係成個評分準則既基底！呢個基底效果係最容易得到，亦係最容易理解，其他組合效果用佢做對比，就會接地唔會浮！
親民組合
介紹咗評分準則之後，就講吓SE846既親民組合，之所以叫佢做親民，係因為對訊源既要求唔苛刻。SE846用手機3.5直推，或用Cobalt推，效果雖然有分別聽得出，但係唔算得上係驚喜！
從列表睇得出，用Cobalt推，SE846接上Gold 32既“典堂貴麗”有7.0分及TAKUMI II既“玲瓏浮突”有6.0分，對比配原廠線既基底組合，分別高出2分及1分，算得上真正升級效果，特別係前者能夠達到小弟既“一體臨場”要求，總算有所回報！兩者既評價有1分差別，主要係Gold 32比出一種“超級均衡”既整體性效果，TAKUMI II就比較側重係中低頻既音像線條表現。
性格組合
到咗講Z1R既性格組合，之所以話佢有性格，係因為佢同SE846既強烈對比，難推難夾！先睇吓用手機3.5直推Z1R，結果係“撻成一塊”得3分唔合格！就算係改用Cobalt推，Z1R連接Gold 32同TAKUMI II既效果，“瘦骨空遠”同“肥厚沉鈍”都係得4分，一樣係唔合格！
Gold 32同TAKUMI II兩條線材配Z1R效果未如理想，特別係對Gold 32抱有好大期待，小弟真係好失望，無心機再講落去！事情既發展又唔係就咁衰到盡，小弟食唔到個橙，原來個桔仲正！
最夾既可能巳經係身邊！Z1R原廠線大發神威，完全碾壓Gold 32同TAKUMI II兩條線材，榮登全場最正效果寶座！係一個重大驚喜！Z1R原廠線話係OFC銅芯鍍銀，表面睇落無咩特別，小弟好懷疑佢有被特殊處理過先有咁既效果！小弟亦好相信就咁買一條OFC銅芯鍍銀線配Z1R，未能保證有類似既匹配性能！小弟暫時未見到有為Z1R特製調音既線材，如果有，請通知小弟，一定要試一試！
Z1R配3.5原廠線用Cobalt推既“鮮活感性”，真係唔講得笑，話小弟主觀，客觀，咩都好，比8.5分一定唔少得！係小弟聽過最正，再一次使小弟懷疑人生既“一體臨場”效果！
絕對優越
來到最後一章，奉旨就係高潮所在！小弟要對比一吓兩個“一體臨場”效果，Z1R既“鮮活感性”同SE846既“典堂貴麗” ，點解一個攞8.5分，另一個得7.0分！
對於兩個“等價”既“一體臨場”效果，小弟比出明顯既評分差別，就係想強調技術性能既優越性，而且係絕對全面既優越！即係話，係小弟可以領會到既所有技術範疇，Z1R組合要比SE846組合優越得多，唔止係一個升級，應該叫昇華！一句講完，Z1R身價係SE846一倍，小弟完全認同佢既性價比，係物有所值！(注意：Z1R只係用原廠線，SE846仲要配升級線Gold 32)
最後要再補充，“鮮活感性”效果，係小弟出文以來，聽過最“像真自然”既體驗！如果用畫圓做比喻，就係圓規作圓，一氣呵成，“完美曲線”！又好似用不同度數砂紙，點線面由粗至最幼細反覆修磨，音像達到完全無角，無坑紋，無粗糙，“柔滑無瑕”！音原個體元素之間係空間既比例，距離及定位，從未如此“洽到好處”！完全可以感受到每一個環節細緻既優化佈置心思同執著！
相關文章
